default_image

4 years ago

August 10, 2020

रोनाल्डोको कीर्तिमानमा लेवान्डोस्कीको नजर

एजेन्सी – बायर्न म्युनिखका फरवार्ड रोबर्ट लेवान्डोस्कीका लागि यो सिजन निकै सुखद बितिरहेको छ । शनिबार च्याम्पियन्स लिगमा चेल्सीविरुद्ध २ गोल र २ असिस्टसाथ बायर्नलाई ४-१ को जित दिलाएसँगै टोलीले क्वाटरफाइनलमा स्थान पक्का गर्यो । पोल्यान्डका ३१ वर्षीय फरवार्डले चेल्सीविरुद्ध पहिलो लेगमा पनि उत्कृष्ट प्रदर्शन गरेका थिए । चेल्सीविरुद्ध दुवै लेगमा बायर्नले ७ गोल गर्दा […]

40 views

0 Bookmark

एजेन्सी – बायर्न म्युनिखका फरवार्ड रोबर्ट लेवान्डोस्कीका लागि यो सिजन निकै सुखद बितिरहेको छ । शनिबार च्याम्पियन्स लिगमा चेल्सीविरुद्ध २ गोल र २ असिस्टसाथ बायर्नलाई ४-१ को जित दिलाएसँगै टोलीले क्वाटरफाइनलमा स्थान पक्का गर्यो ।

पोल्यान्डका ३१ वर्षीय फरवार्डले चेल्सीविरुद्ध पहिलो लेगमा पनि उत्कृष्ट प्रदर्शन गरेका थिए । चेल्सीविरुद्ध दुवै लेगमा बायर्नले ७ गोल गर्दा लेवान्डोस्कीले ३ गोल गर्नुका साथै ४ असिस्ट प्रदान गरेका थिए । यससँगै उनले च्याम्पियन्स लिगका ७ खेलमा १३ गोल पुर्याएका छन् । यो संख्या रोनाल्डोले सन् २०१३-१४ सिजनमा गरेको भन्दा ४ गोल कम हो ।

यदि बायर्नले लिस्बनमा हुने फाइनलमा स्थान बनाउन सक्यो भने लेवान्डोस्कीलाई उक्त कीर्तिमान तोड्न ३ खेल उपलब्ध हुनेछ । लेवान्डोस्की आफू भने उक्त कीर्तिमान रच्ने आफ्नो कुनै लक्ष्य नरहेको बताउँछन् ।

‘मेरो लक्ष्य कीर्तिमान तोड्नु छैन । हामीले अझै नकआउट चरणमा केहि खेल खेल्नुछ । मलाई टोलीको जितमा गोल गर्ने मात्र होइन, गोलको अवसर सिर्जना गर्न पाउनुमा उत्तिकै खुसी मिल्छ,’ लेवान्डोस्कीले भने ।

लेवान्डोस्की रोनाल्डोको एकै सिजनमा सर्वाधिक गोलको कीर्तिमान नजिक पुगेका छन् । तर समग्रमा भने रोनाल्डो निकै अगाडि रहेका छन् । लेवान्डोस्कीले चेल्सीविरुद्ध शनिबार दुई गोल गर्दै समग्रमा च्याम्पियन्स लिगमा सर्वाधिक गोल गर्ने सुचीको चौथो स्थानमा उक्लिए । उनले हालसम्म कुल ६६ गोल गरेका छन् ।

च्याम्पियन्स लिगमा सर्वाधिक गोल गर्ने सुचीको शीर्षस्थानमा रहेको रोनाल्डोको १ सय ३० गोल छ । दोस्रो स्थानमा बार्सिलोनाका कप्तान लिओनेल मेस्सी १ सय १५ गोलसहित छन् । तेस्रो स्थानमा रियल म्याड्रिडका दिग्गज राउल ७१ गोलमा छन् भने पाँचौ स्थानमा करीम बेन्जेमाले ६५ गोल गरेका छन् ।

जारी सिजन लेवान्डोस्कीले सबै प्रतियोगितामा ५३ गोल गरिसकेका छन् । यसका लागि उनले ४४ खेल मात्र खेलेका छन् । लेवान्डोस्कीले च्याम्पियन्स लिगको समूह चरणमा रेड स्टार बेलग्रेडविरुद्ध एकै खेलमा ४ गोल गरेका थिए । उनले जर्मन बुन्डेसलिगामा साल्केविरुद्ध र युरो छनोटमा लात्भियाविरुद्ध पनि ह्याट्रिक गरेका थिए ।

March 18, 2024

बहराइन जान खोज्ने पदाधिकारीको नाम राखेपबाट अस्वीकृत

काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]

March 18, 2024

एट्लेटिकोलाई हराउँदै बार्सिलोना दोस्रो स्थानमा उक्लियो

एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो ।  दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]

March 18, 2024

लिभरपुलविरुद्ध रोमाञ्चक जित सहित म्यानचेस्टर युनाइटेड सेमिफाइनलमा

एजेन्सी – चिर प्रतिद्वन्दी लिभरपुल माथि रोमाञ्चक जित दर्ता गर्दै म्यानचेस्टर युनाइटेड एफए कपको सेमिफाइनलमा प्रवेश गरेको छ । घरेलु मैदान ओल्ड ट्राफोर्डमा भएको खेलमा लिभरपुललाई अतिरिक्त समयमा ४-३ को जित निकाल्दै युनाइटेड अन्तिम चारमा पुग्न सफल भएका हो । निर्धारित ९० मिनेट २-२ को बराबरीमा सकिएपछि खेल अतिरिक्त समयमा धकेलिएको थियो । अतिरिक्त समय […]

Success

Thank you for your time.