एएफसी कप फुटबलको प्लेअपमा, छनौट भएको थ्रिस्टार क्लब शुक्रबार अपराह्न काठमाडौं आईपुगेको छ । टोलीको त्रिभुवन अन्र्तराष्ट्रिय भब्य स्वागत गरिएको छ ।

थ्रिस्टारको टोलीलाई स्वागत गर्न अखिल नेपाल फुटबल संघ एन्फाका महासचिव धिरेन्द्र प्रधान , उपाध्यक्ष कर्मा छिरीङ शेर्पा , एन्फाका पुर्व उपाध्यक्ष तथा मनाङ मस्र्याङ्दी क्लबका पुर्व अध्यक्ष कर्मा छिरीङ शेर्पा लगायतले टोलीको स्वागत गरे । विमानस्थलमा अवतरण गरेको थ्रिस्टारको टोलीलाई क्लबका प्रशंसकहरुले स्वागत गरेका थिए । ज्यापु समाज ललितपुरले टोलीको स्वागतमा सांस्कृतिक बाजा सहित स्वागत समेत गरेको थियो ।

मंगोलियाको उलानबटारमा सम्पन्न एएफसी कप फुटबलको प्लेअप छनौट प्रतियोगिता खेलेर थ्रिस्टार १० दिनको बसाई पछि स्वदेश फर्किएको हो । टोली सुरुमा मंगोलियाको उलानबटारबाट बिहीबार मध्यराती दक्षिण कोरियाको सियोल हुदै काठमाण्डौा आइपुगेको हो । सियोलमा थ्रिस्टारको टोली ९ घण्टा ट्रान्जीटमा परेको थियो ।

३२ साउनमा काठमाडौंबाट उलानबटारमा गएको टोलीले एएफसी कप प्लेअफ छनौटमा आयोजक मंगोलियाको एर्चिम फुटबल क्लबलाई २–० ले तथा कम्बोडियाको नागाबल्र्डसाग १–१ गोलको बराबरी खेलेको थियो । ४ अंक सहित समुह बि मा शिर्ष स्थानमा रहदै टोली अर्को चरणमा पुगेको छ ।