default_image

8 years ago

August 29, 2016

एन्फा अध्यक्षमा घलेको उम्मेदवारी घोषणा

काठमाडौं (हाम्रो खेलकुद) –लक्ष्मी हुन्डाई मनाङ मस्र्याङ्दीका पूर्व अध्यक्ष टासी घलेले अखिल नेपाल फुटबल संघ (एन्फा) को अध्यक्षमा उम्मेदवारी दिने घोषणा गरेका छन् । सँगै एन्फाको प्रस्तावित निर्वाचन निर्देशिका कारण आफु चुनिनेमा पनि शंका व्यक्त गरेका छन् । गत महिना मनाङको निर्वाचित कार्यसमितिको परिचयात्मक कार्यक्रममा सोमबार घलेले उम्मेदवारीको घोषणा गर्दै भने,‘मलाई हाम्रो क्लबले एन्फा अध्यक्षको […]

20 views

0 Bookmark

काठमाडौं (हाम्रो खेलकुद) –लक्ष्मी हुन्डाई मनाङ मस्र्याङ्दीका पूर्व अध्यक्ष टासी घलेले अखिल नेपाल फुटबल संघ (एन्फा) को अध्यक्षमा उम्मेदवारी दिने घोषणा गरेका छन् । सँगै एन्फाको प्रस्तावित निर्वाचन निर्देशिका कारण आफु चुनिनेमा पनि शंका व्यक्त गरेका छन् ।
गत महिना मनाङको निर्वाचित कार्यसमितिको परिचयात्मक कार्यक्रममा सोमबार घलेले उम्मेदवारीको घोषणा गर्दै भने,‘मलाई हाम्रो क्लबले एन्फा अध्यक्षको रुपमा प्रस्तुत गर्दा गौरव लागेको छ । तर म त्यहाँ पुग्ने सम्भावना कम छ । किनकी एन्फाले प्रस्तावित निर्वाचन नियमावलीमा अध्यक्षको उम्मेदवारका लागि ५ प्रस्तावक र ५ समर्थक हुनुपर्ने भनिएको छ । ’ अहिलेका कार्यसमितिमा सदस्य समेत रहेका घलेलाई मनाङले मताधिकारसहित एन्फा साधारण सभाका लागि आफ्नो प्रतिनिधि तोकेको सोही अवसरमा जानकारी दिइएको थियो । एन्फाले एसियाली फुटबल महासंघमा प्रस्ताव गरेको निर्वाचन निर्देशिकामा अध्यक्षका लागि ५ समर्थक र ५ प्रस्तावक उल्लेख छ । उपाध्यक्षको हकमा भने १/१ प्रस्तावक समर्थक भए पुग्नेछ ।

14191407_10155154788753032_1915761685_o
कात्तिक ८ गतेका लागि तय भएको साधारण सभामा अध्यक्षका आकंक्षीका रुपमा हेरिएका सबैको उपस्थितिमा घलेले देशमा लोकतन्त्र हुँदै गणतन्त्र आएपनि एन्फामा अझै पनि प्रजातान्त्रिक अभ्यास हुन नसकेको आरोप लगाए । उनले भने,‘देशको प्रधानमन्त्री हुन १ जना प्रस्तावक र समर्थक भए पुग्छ । तर एन्फामा पुग्दैन । एन्फामा अझै लोकतन्त्र आएको छैन । सबैले चुनाव लड्ने वातावरण बनेमात्र फुटबलले गति लिन सक्छ । फुटबलमा अब डिक्टेटरसिप चल्दैन । ’
फिफाले केही महिनाअघि तत्कालिन अध्यक्ष गणेश थापालाई भ्रष्टाचार अभियोगमा १० बर्षको प्रतिबन्ध र झन्डै २१ लाख रुपैयाँ जरिवाना तोकेपछि एन्फा अध्यक्ष पदमा निर्वाचन हुन लागेको हो । गत बर्ष करेन्ट लागेर मृत्यु ललितकृष्ण श्रेष्ठको मृत्य भएपनि एन्फा उपाध्यक्षको एउटा पद पनि खाली भएको छ । त्यसमा पनि कात्तिक ८ मा निर्वाचन हुँदैछ । उपाध्यक्षको उम्मेदवारमा कसैको चर्चा नभएपनि अध्यक्षमा घलेसहित वर्तमान कार्यवहाक अध्यक्ष नरेन्द्र श्रेष्ठ, अर्का उपाध्यक्ष कर्मा छिरिङ शेर्पा र नेपाल प्रहरीका एआइजी विज्ञानराज शर्मालाई आकंक्षीका रुपमा हेरिएको छ । मनाङको कार्यक्रममा सबै आकंक्षीको उपस्थिति थियो । कार्यवहाक अध्यक्ष श्रेष्ठले घलेलाई अध्यक्षको उम्मेदवारी घोषणा गरेकोमा सफलताका लागि शुभकामना दिए ।
एन्फाका पूर्व उपाध्यक्ष समेत रहेका घलेले राष्ट्रिय खेलकुद परिषद् (राखेप) को पनि चर्को आलोचन गरे । राखेप सदस्य सचिव केशवकुमार विष्टको उपस्थितिमा घलेले भने,‘एन्फाका विषयमा छानविन गर्न राखेपले समिति बनाएको थियो । त्यसको प्रतिवेदन सार्वजनिक भएको छैन । त्यसमा फुटबल विवाद, म्याच फिक्सिङ, ओभर एज खेलाडी र एन्फाका ३ वटा विधानका बारेमा उल्लेख गरेको सञ्चारमाध्यमबाट जानकारी पाएका छौं । तर सत्यतत्य अहिले सम्म बाहिर आएको छैन ।’
उनले फुटबलको विवाद समाधानका लागि राखेपले हस्तक्षेप नगरेकामा पनि गुनासो गरे । मनाङका संस्थापक मध्येका एक घलेको आरोप थियो ‘विवाद नभएको संघलाई विघठन गरेको राखेपले एन्फाका विषयमा मुकदर्शक भएर बसेको छ ।’

March 19, 2024

पुलिससँग हारे पनि एभरेष्ट सेमिफाइनलमा

काठमाडौं (हाम्रो खेलकुद)- नेपाल पुलिस क्लबलेआठौं आरबीबी एनभिए भलिबल च्याम्पिनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई‌ ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ।पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो जित दर्ता […]

March 18, 2024

बहराइन जान खोज्ने पदाधिकारीको नाम राखेपबाट अस्वीकृत

काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]

March 18, 2024

एट्लेटिकोलाई हराउँदै बार्सिलोना दोस्रो स्थानमा उक्लियो

एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो ।  दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]

Success

Thank you for your time.