4 years ago
September 7, 2020
एजेन्सी – कप्तान सर्जियो रामोसको दुई गोल सहयोगमा स्पेनले युईएफए नेसन्स लिगमा सानदार जित हात पारेको छ । स्पेनले नेसन्स लिगको दोस्रो खेलमा युक्रेनमाथि ४–० को सानदार जित निकालेको हो । स्पेनको जितमा कप्तान रामोसले दुई गोल गर्दा युवा स्टार अन्सु फाती र फेरान टोरेसले गोल गरे । पहिलो हाफमा ३ तथा दोस्रो हाफमा १ […]
एजेन्सी – कप्तान सर्जियो रामोसको दुई गोल सहयोगमा स्पेनले युईएफए नेसन्स लिगमा सानदार जित हात पारेको छ । स्पेनले नेसन्स लिगको दोस्रो खेलमा युक्रेनमाथि ४–० को सानदार जित निकालेको हो ।
स्पेनको जितमा कप्तान रामोसले दुई गोल गर्दा युवा स्टार अन्सु फाती र फेरान टोरेसले गोल गरे । पहिलो हाफमा ३ तथा दोस्रो हाफमा १ गोल सम्भव भएको थियो ।
घरेलु मैदान स्टेडियो अल्फ्रेडो डि स्टेफानोमा आइतबार राति भएको एकपक्षीय खेलमा स्पेनले खेलो तेस्रो मिनेटमा नै कप्तान रामोसो गोलबाट अग्रता बनाएको थियो । अन्सु फातीमाथि सर्गी क्रिभस्टभले पेनाल्टी बक्समा फल गरेपछि प्राप्त पेनाल्टीमा रामोस चुकेनन् । ११औं मिनेटमा रामोसकै पासमा डेब्यु खेल खेलिरहेका सर्जियो रिगुइलनको प्रहार पोस्टबाट थोरै बाहिरिदा स्पेन अग्रता दोब्बर पार्नबाट चुक्यो ।
१६औं मिनेटमा थियागो अलकान्ताराको क्रसमा कप्तान रामोसको हेडरलाई युक्रेनका गोलरक्षक एन्ड्रि प्याटोभले दोस्रो प्रयासमा बचाए । १८औं मिनेटमा जेरार्ड मोरेनोको पासमा अन्सु फातीको प्रहारमा गोलरक्षक नै बाधक बने । त्यसपछि पनि स्पेनले लगतार पोस्ट आक्रमण बुन्दा युक्रेनको रक्षापङ्ति निकै व्यस्त बनेको थियो ।
२१औं मिनेटमा जेसस नाभासको प्रहारलाई बोग्डानले ब्लक गरे । २३औं मिनेटमा अन्सु फातीको प्रहार पोस्टबाट थोरै बाहिरियो । २६औं मिनेटमा ड्यानिय ओल्मोको लो क्रसमा जेरार्ड मोरेनोलाई डिफ्लेक्ट हुदै आएको बललाई फातीले गरेको ओभर हेड किकलाई माइकोला माटीभियान्कोले गोललाईनबाट बचाए ।
२९औं मिनेटमा कप्तान रामोसले ड्यानिल ओल्मोको कर्नरमा हेडरमार्फत व्यक्तिगत दोस्रो गोल गर्दै स्पेनलाई २–० ले अघि बढाए । त्यसको तीन मिनेटपछि नै १७ वर्षीय युवा स्टार फरवार्ड फातील्े गोल गर्दै स्पेनलाई ३–० को अग्रता दिलाए । सिनियर टोलीबाट दोस्रो खेल खेलिरहेका फातीले सर्जियो रिगुइलनको पासमा गोल गर्न सफल भएका थिए ।
४१औं मिनेटमा युक्रेनले पहिलो पोस्ट आक्रमण बुन्दा माइहालाईचिन्कोको प्रहारलाई गोलरक्षक डेभिड हे गेयाले सहजै नियन्त्रणमा लिए । ४४औं मिनेटमा अलकान्ताराको प्रहार पोस्टबाट थोरै बाहिरियो ।
स्पेनले दोस्रो हाफमा पनि युक्रेनलाई दवावमा राखेको थियो । ६२औं मिनेटमा ओल्मोको प्रहारलाई गोलरक्षक प्याटोभले बचाए । लगत्तै मोरेनोले गोल गरेपनि मान्यता पाएन । झन्डै २५ यार्डबाट रिगुइलनको शक्तिशाली प्रहारलाई गोलरक्षक प्याटोभले नियन्त्रणमा लिन नसकेको बललाई अफसाइड पोजिसनमा रहेका मोरेनोले गोल गरेपनि मान्यता पाएन ।
७७औं मिनेटमा ओस्कार रोड्रिग्वेजको प्रहार बारमा लागेर बाहिरदा स्पेन अर्काे गोल थप्न असमर्थ रह्यो । ७८औं मिनेटमा अन्सु फाती अर्का गोल गर्नबाट चुके । ८४औं मिनेटमा अलकान्ताराको क्रसमा फेरान टोरेसले गोल गर्दै स्पेनको फराकिला जित पक्का गरे । इन्ज्युरी समयमा यारेमचुकले प्रहारमा स्पेनका गोलरक्षक डेभिड हे गेया नै बाधक बन्यो ।
जितसँगै स्पेन लिग ‘ए’ ४ मा ४ अंक जोडेर शीर्षस्थानमा उक्लिएको छ । पराजित युक्रेन ३ अंक जोडेर दोस्रो स्थानमा रहँदा २ अंक जोडेर जर्मनी तेस्रो तथा १ अंकसहित स्वीट्जरल्यान्ड पुछारमा छ ।
April 17, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत बुधबार भएको खेलमा सानेपा क्लब विजयी भएको छ । एन्फा कम्प्लेक्समा भएको दिनको दोस्रो खेलमा सानेपा क्लबले स्वयम्भू क्लब माथि २-१ को जित निकालेको हो । सानेपाको लागि पेम्बा दोर्जे र निरञ्जन जंग शाहीले १-१ गोल गरे । पराजित स्वयम्भूका लागि सुग्रीत मगरले एक गोल […]
April 17, 2024
काठमाडौं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा पक्राउ परेका छन्।बुधबार लामालाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ। लागू औषध मुद्दामा पाटन उच्च अदालतबाट ५ वर्षको कैद सजाय तोकिएयता उनी फरार थिए। पछिल्लो समय उनी एन्फा कार्यसमिति बैठक र साधारण सभामा पनि अनुपस्थित थिए। पछिल्लो साताबाट भने लामा सामाजिक […]
April 17, 2024
एजेन्सी – स्पेनिस क्लब एट्लेटिको म्याड्रिड माथि समग्रमा ५-४ को जित निकाल्दै जर्मन टोली बोरुसिया डर्टमुण्ड युरोपेली च्याम्पियन्स लिगको सेमिफाइनलमा प्रवेश गरेको छ । पहिलो लेगमा २-१ को हार बेहोरेको डर्टमुण्डले दोस्रो लेगमा मंगलबार ४-२ को जित दर्ता गर्दा अन्तिम चारमा पुगेको हो । घरेलु मैदानमा भएको दोस्रो लेगको ३४औं मिनेटमा जुलियन ब्रान्ड्टको गोलमा डर्टमुण्डले […]