काठमाडौँ (हाम्रो खेलकुद) – सहिद स्मारक बि डिभिजन लिग २०७३ अन्तर्गत आज भएको खेलमा मध्यपुर युथ एसोसिएसन र डिभाइन ब्वाइज युनिएन क्लबले २-२को बराबरी खेले।
खेलको चौथो मिनेटमा गणेश खड्का र सुबर्ण कार्कीले रातो कार्ड पाएपछि दुवै टोलि दश खेलाडीमा घटेका थिए। ब्वाइज युनिएनका बिनोद लामाले पहिलो हाफको अतिरिक्त समयको दोश्रो मिनेटमा गोल गर्दै ब्वाइज युनिएनलाई अगाडी बढाएका थिए। अविशेक रिजालले ८०औं मिनेटमा टोलीको अग्रता दोब्बर पारेका थिए।
जिततर्फ नजिकिदै गएको ब्वाइज युनियनले अन्तिम समयमा सम्हालिएर खेल्न नसक्दा दुइ पेनाल्टी दियो। मध्यपुरका साजन प्रधानले ८३औं र ९०+२औं मिनेटमा गोल गर्दै खेललाई बराबरीमा ल्याए।
