भाद्र २०, काठमाडौं-
नेपाल कप महिला आमन्त्रण फुटबल प्रतियोगिता आगामी असोज ३ देखि हुने भएको छ । पोखरा रङ्गशालामा हुने प्रतियोगीता १० गतेसम्म सञ्चालन हुने छ ।
स्पोर्टस् फर अल क्लब नेपाल, कास्की जिल्ला फुटबल सङ्घ र महिला फुटबल समितिको संयुक्त आयोजनामा हुने उक्त प्रतियोगितामा भारत र नेपालका गरी ११ टोलीको सहभागिता रहने आयोजकले जानकारी दिएको छ ।
छत्तिसौ विश्व पर्यटन दिवसको अवसर पारेर आयोजना गर्न लागिएको उक्त प्रतियोगितामा कुल १० वटा खेल सञ्चालन हुने छन् र प्रतियोगिताका विजेता टोलीले एक लाख र उपविजेता टोलीले रु ५० हजार सहित ट्रफी पाउनेछन् ।
महिला फुटबलको अन्र्तराष्ट्रीय क्षेत्रमा समेत विकास र विस्तार गर्ने उद्देश्यले आयोजित सो प्रतियोगिता सम्पन्न गर्न करिब २० लाख खर्च लाग्ने अनुमान आयोजकको छ ।
