स्लोभाकिया (एजेन्सी) – साविक विजेता जर्मनी र इङ्ल्यान्डले जितबाट विश्वकप छनोटको यात्रा सुरु गरेका छन् । रसियामा सन् २०१८ मा हुने विश्वकपका लागि युरोपियन छनोटअन्तर्गत आइतबार जर्मनीले नर्वेलाई ३–० ले हरायो भने समूह एफमा इङ्ल्यान्डले घरेलु टोली स्लोभाकियामाथि १–० को कठिन जित हासिल गरेको छ ।
१० खेलाडीमा सिमिति स्लोभाकियाव्रिुद्ध इङ्ल्यान्डका लागि एडम लेलानाले इन्जुरी समयमा गरेको गोल नै निर्णायक बनेको थियो । ह्यारी केनलाई फउल गरेका स्लोभाकियाका कप्तान मार्टिन स्क्रटेल रातो कार्ड खाँदै मैदानबाट बाहिरिएपछि ५७ औं मिनेटपछि १० खेलाडीमा सीमित भएको थियो ।
युरोपियन च्याम्पियनपछि इङ्ल्यान्डका प्रशिक्षक नियुक्त भएका साम एलेडाइसको यो पहिलो जित हो । समूह एफकै अर्को खेलमा लिथुवानिया र स्लोभेनियाले २–२ को बराबरी खेलेका छन् । २–० ले पछि परेर पनि स्लोभाकियाले खेललाई बराबरीमा लगेको थियो । स्लोभाकियाका लागि रेने क्रिनले ७७ औं र बास्टजान सिसारले अन्तिम समयमा बराबरी गोल गरेका थिए । त्यसअघि लुथुवानियाका लागि ३२ औं मिनेटमा फिडोर क्रिन्ची र ३५ औं मिनेटमा भेकिटास स्लिभ्काले गोल गरेका थिए ।
समुह सीमा जर्मनीले नर्वेलाई ३ – ० ले हराउँदा थोमस मुलरले २ र जोसुओ किम्मिचले एक गोल गरे । सोही समूह चेक गणतन्त्र र नेर्दन आयरल्यान्डले गोलरहित बराबरी खेलेका ।
छनोट चरणको समूह इमा क्रिस्टियन इरिक्स्नको गोलमा डेनमार्कले अर्मानिया १ – ० ले हरायो भने काजाकास्तान र पोल्यान्डले २–२ को बराबरी खेलेका छन् । समूह सिमा अजरबैजानले सानमारियोलाई १–० ले पराजित गर्यो । समूह इमा रोमानिया र मोन्टेनेग्रोले १–१ को बराबरी खेल्दा समूह सीमा चेक गणतन्त्र र नेर्दन आयरल्यान्डले गोलरहित बराबरी खेलेका । समुह एफमा स्कटल्यान्डले माल्टालाई ५–१ ले हरायो ।
