ए.एफ.सी यु१६ छनोट चरणका खेलको तयारीका क्रममा रहेको यु१६ टोलीले मनाङ मर्स्याङ्दी क्लबसंग ५-१को हर व्यहोरेको छ|
किर्गिस्तानमा हुने छनोट चरणको खेलका लागि तयार गर्दै गरेको टोलीले राष्ट्रिय लिग खेल्न प्रशिक्षणरत मनाङसंग हार व्यहोरेको हो| २८औं मिनेटमा डोडोजको गोलले मनाङले खेलमा अग्रता लियो| किपर विशाल श्रेष्ठको लामो पासमा डोडोजले किपर अगाडी बढेपछि बक्स बहिरबाट गोल गरेका थिए| हाफ टाइममा एक गोलले पछि परेको युवा टोलीका लागि ५१औं मिनेटमा अभिषेक रिजालले हेडिगं मार्फत बराबरी गेल गरे| सुमन अर्यालको क्रसबाट दोश्रो बारबाट उनको हेडिगं प्रहार गोल भएको थियो|
काउन्टर अट्याकमा बढेको बललाई ५५औं मिनेटमा सुजलले हेडिगं गर्दै पुन अग्रता दिलाए| रवि पासवानको क्रसमा गरेको उनको गोल निकै राम्रो थियो| ६१औं मिनेटमा मनाङले अनिलको गोलबाट अग्रता दोब्बर पार्यो, गुरुङको पहिलो टचकै सटले गोलकिपर सन्देश बिट भए, यो पाली पनि रवि पासवानकै क्रस थियो| ७९औं मिनेटमा रवि आफैं गोल गर्न सफल भए, उनको निएर पोष्ट फिनिस किपर बिट भइसकेको अवस्थामा हानिएको थियो| वैकल्पिक खेलाडिको रुपमा आएका निराजन मल्लले ८३औं मिनेटमा गोल गर्दै ५-१ बनाए|
