एजेन्सी – रियल म्याड्रिडका प्रशिक्षक जिनेदिन जिदानले आफुलाई भविष्यमा गरिने चर्चाले खासै असर नगर्ने स्पष्ट पारेका छन् । क्याम्प नोउमा बार्सिलोनाविरुद्ध हुने सिजनको पहिलो एल क्लासिकोको अघि जिदानले यस्तो भनाई सार्वजनिक भएको हो ।

विना दर्शक एल क्लासिको शनिबार साँझ नेपाली समय अनुसार ७:४५ मा सुरु हुँदैछ । ला लिगामा काडिज र च्याम्पियन्स लिगमा शाख्तार डोनेक्ससँगको लगातारको हारपछि रियलमाथि दबाब बढेको छ ।

‘उनीहरु मेरो पेशा दबाबमा रहेको बताउँदै आएका छन् । म त्यसलाई अस्वीकार गर्दिन, जिदानले भने,’अघिल्लो वर्षमा भन्दा यसमा के परिवर्तन भएको छ र ? पहिलो प्रशिक्षण कालमा पनि यस्तै थियो । तर यी सब चर्चाका बीच मैले आफ्नो काम गर्ने हो । बाँकी सबै असान्दर्भिक हुन् ।’

काडिज र शाख्तारसँगको हार पछि उनको चर्को आलोचना भइरहेको छ । जसका कारण फ्रान्सेली जिदान भने पछिल्ला दुई खेल हार्नुको कारणका बारेमा स्पष्टिकरण दिने प्रयास गरिरहेका छन् ।

‘हामीले खराब सुरुवात गरयौं । गोल पनि खायौं । त्यसैलाई दिमागमा राख्न गाह्रो हुन्छ । उनी हेर्नसँग खेल्न कठिन भएको थियो । उनीहरु तल्लो क्रमसम्म पनि बलियो थिए,’उनले प्रष्ट पार्ने प्रयास गरे, तर फुटबलमा तल र माथि हुन्छ । हामीले यसलाई स्वीकार गर्नुपर्ने हुन्छ ।’

जिदानले शनिबार हुने खेलमा केन्द्रित हुनेमा जोड दिएका छन् ।’ शनिबारको खेल फरक हो । हामीले अघिल्ला दिनमा के भए तिनलाई बिर्सनुपर्दछ,’ उनले थपे, ‘हामीले परिवर्तनका लागि प्रयास गर्नुपर्ने हुन्छ । विशेषत एल क्लासिकोको विशेष हुन्छ ।’

चोटका कारण कप्तान सर्जियो रामोसले शाख्तारविरुद्धको खेल गुमाएका थिए । तर, शुक्रबार अभ्यासमा फर्केका रामोस एल क्लासिकोमा उपलब्ध हुने आशा गरएको छ । सर्जियो हाम्रो नेता हुन्, कप्तान हुन्। तर हामी कुनै जोखिम उठाउने पक्षमा छैन । उनी चोटमुक्त भएका छन् र हामीसँग छन् । हामीले चाहेको शतप्रतिशत हुन् । उनी लगभग तयार छन्, उनले थपे ।

क्याम्प नोउमा शनिबार दर्शक विना खेल हुनेछ । जिदानले अहिलेको परिस्थितिमा त्यो सम्भव नभएको र त्यसले विगतमा भन्दा फरक माहोल हुने अनुमान गरे ।

‘खाली रंगशालामा हामीलाई थाहा छ कुन स्तरको चुनौतीको सामना गर्दैछौं भन्ने । तर सबै टोलीका लागि उस्तै परिस्थिति छ,’ उनले भने, ‘यो फरक क्लासिको हुनेछन । तर पनि यो क्लासिको हा र त्यो सधै विशेष हुन्छ । राम्रो सुरुवात गर्नु हाम्रो लागि महत्वपुर्ण हुन्छ । किन कि क्लासिको भनेको क्लासिको हो । जस्तो सुकै परिस्थितिमा पनि राम्रो खेल हुनेछ ।’

अहिलेको परिस्थितबाट बाहिर निस्कनका लागि एल क्लासिकोमा सुखद नतिजा निकाल्नु पर्नेमा जिदान दृढ छन् । उनले आशा व्यक्त गरे, ‘हामी राम्रो प्रदर्शनको प्रयास गर्नेछौं ।’ बार्सिलोनाका लागि पनि गत साता सुखद रहेन । बार्सिलोनाले गेटाफेलाई १–० को नजिता सुम्पेको थियो । बार्सिलोना पनि लयमा फर्कने प्रयासका साथ आफ्नो टोलीविरुद्ध उत्रनेमा जिदान सचेत छन् ।

‘उनीहरुका लागि पनि खराब समय रह्यो । तर फुटबलमा फेरि पनि लयमा फर्कन सकिन्छ र त्यसका लागि प्रयास जारी राख्नुपर्ने हुन्छ । राम्रो प्रदर्शन र सकारात्मक सन्देशले धेरै चिजमा परिवर्तन गर्न सकिन्छ,’ उनले भने,’ बार्सिलोना जहिले पनि बलियो छ । उनीहरु प्रतिस्पर्धात्मक खेल्न्छन् । त्यसैले राम्रो खेल्नुपर्ने हुन्छ । उनीहरुले जतिबेला पनि कठिन बनाउन सक्छन् । हामीलाई थाहा छ खेल सहज हुने छैन र त्यहि हाम्रो लागि राम्रो हो ।’