एजेन्सी – बार्सिलोना र रियल म्याड्रिडबीच शनिबार हुने विश्व प्रसिद्ध एल क्लासिलको फुटबल इतिहासमै पहिलो पटक विना दर्शक हुँदैछ । खेल नेपाली समयानुसार साँझ ७:४५ बजे सुरु हुनेछ ।

कोरोना भाइरसको महामारी अझै अन्त्य नभएका कारण स्पेनमा माथिल्लो स्तरको फुटबल अहिले पनि बन्द रंगशालामा भइरहेका छन् । त्यसको अर्थ क्लासिको क्याप नोउमा विना दर्शक हुनेछ ।
रियलका खेलाडीले बार्सिलोनाको मैदानमा कहिल्यै पनि न्यानो स्वागत पाउँदैनन् ।

क्याटलानका समर्थकले खेल सुरु हुने अघि देखि खेलका दौरान समेत सिठ्ठी बजाएर हुटिङ गर्ने गर्छन् । यो पटक एल क्लासिको बन्द रंगशालामा शान्तपुर्वक हुनेछ । खेलका दिन केहिलाई मात्र रंगशालामा प्रवेश दिइनेछ । त्यसमा खेलाडी, म्याच अफिसियल, सिमित प्रशिक्षक, डाक्टर, किटम्यान, निर्देशक, पत्रकार र क्लबका कर्मचारीले मात्र त्यहाँ प्रवेश पाउनेछन् ।

क्याटलानको राजनीतिमा क्यापनोउमा दर्शकलाई उपस्थित हुन अनुमति दिने वा नदिने विषय अलग अलग राय रहेका छन् । खेलकुदको मुख्य निकायका सचिव गेरार्ड फिगुइसले डिसेम्बर ८ मा युभेन्ट्ससँग हुने च्याम्पियन्स लिगको खेलका लागि दर्शकका लागि ढोका खुला गरिने बताएका छन् । तर स्वास्थमन्त्री अल्बा भेरेगसले भने सावधानीपूर्वक च्याम्पियन्स लिगका लागि दर्शकसंख्यामा कटौती गर्नुपर्ने बताएका छन् ।

अवे फाइदा होला

बार्सिलोनाका समर्थक विनाको खेलमा रियलले त्यसको फाइदा उठाउन सक्ला ? धेरैमा यस्तो कौतुहलता पनि छ । क्याम्प नोउका ला लिगाका पछिल्ला ४ भ्रमणमा रियलले कुनै खेल जितेको छैन । रियलले बार्सिलोनालाई उसकै मैदानमा सन् २०१६ को एल क्लासिकोमा हराएको थियो ।

क्याम्प नोउमा २०१५ १६ को सिजनमा २–१ ले एल क्लासिको गुमाएको रियलले २०१८-१९ को सुरुवाती एल क्लासिकोमा ५–१ को हार बेहोरेको थियो ।