लिभरपुल (एजेन्सी) – प्रिमियर लिगको साविक विजेता लेस्टरले अर्को हार बेहोरेको छ । टोली गएराती लिभरपुलसँग २–१ ले निराश बनेको हो । रोर्बेटो फिर्मिनोको २ गोलको मद्दतमा लिभरपुलले फराकिलो जित दर्ता गराएको छ । जितसँगै ७ अंकका साथ लिभपुरपुल अंकतालिकाको शीर्षस्थानमा पुगेको छ । टोटेनह्यामले स्टोक सिटीलाई ४–० ले हराउँदा आर्सनलले साउथह्याम्टनलाई २–१ ले निराश पारेको छ ।
म्यानचेस्टर युनाइटेडलाई शनिबार २-१ ले पराजित गर्न सफल म्यानचेस्टर सिटी १२ अंकसहित शीर्षस्थानमा छ भने एक खेल कम खेलेको चेल्सी ९ अंकका साथ दोस्रो स्थानमा छ । युनाइटेड तेस्रो र टोटेनह्याम ८ अंकसहित चौथो स्थानमा छ । समान ७ अंक भएपनि गोलअन्तरमा लिभरपुल पाँचौ र आर्सनल छैटौंमा छ ।

फिर्मिनोले १३ औं मिनेटमा पहिलो गोल खेल सकिन १ मिनेट बाँकी रहँदा टोलीका लागि चौथो गोल गरेका थिए । त्यसअघि ३१ औं मिनेटमा साडियो माने र ५६ औं मिनेटमा एडम लालानाको गोलले लिभरपुल घरेलु मैदानमा उच्च प्रदर्शन गरेको थियो । जेमी भार्डीले पहिलो हाफमा एक गोल फर्काएपनि त्यसपछि लेस्टरले गोल थप्न सकेन र लिगमा दोस्रो हार बेहोर्न बाध्य भयो । ४ खेलमा लेस्टरको ४ अंक छ ।
अन्तिम मिनेटमा सान्टी काजोरोलाको गोलमा गोलमा आर्सनल विजयी भएको थियो । पिटर चेकको आत्मघाती गोलमा साउथह्यामन्टले अग्रता बनाएको खेलमा २९ औं मिनेटमा लाउरेन्ट कोसेन्लीले बराबरी गोल गरेका थिए । हेउग मिन सुनले २ गोल गरेको खेलमा टोनेटह्यामका लागि डेले अलि र ह्यारी केनले समान १ गोल थपेका थिए ।
शनिबारका अन्य खेलमा बोर्नमाउथले वेस्टब्रुमलाई १–०, क्रिस्टल प्यालेसले मिडल्सब्रोलाई २–१ ले वार्टफोर्डले वेस्टह्यामलाई ४–२ ले हरायो भने बुम्लि र हलसिटीले १–१ को बराबरी खेलेका थिए ।