एजेन्सी – पेरिस सेन्ट जर्मेन (पिएसजी) ले युवा फरवार्ड केलियन एमबाप्पलेको सम्झौता थपलाई उच्च प्राथमिकतामा राखेको छ । लिग वान च्याम्पियन टोलीले लियोनार्दोमार्फत एमबाप्पेलाई मनाउने प्रयास गरिरहेको छ ।

एमबाप्पेको निरन्तरताका लागि क्लबले लियोनार्दोमाथि दबाब बढाइरहेको बताइएको छ । एमबाप्पेको क्लबसँगको अहिलेको सम्झौता भने सन् २०२२ सम्म रहेको छ । फ्रान्सेली सन्चारमाध्यमले जनाए अनसार क्लब र खेलाडीबीच सम्झौता नविकरणका लागि एक पटक छलफल भएको छ । तर, छलफल भने जटिल देखिएको छ । पिएसजीले २०२२ भन्दा लामो समय सम्म सम्झौता गर्नका लागि हरसम्भव प्रयास गर्नेछ ।

विश्व फुटबलकै प्रभावशाली खेलाडी मध्ये एक रहेका एमबाप्पे भने रियल म्याड्रिड जान सक्ने अनुमान गरिएको छ । प्रिमियर लिग च्याम्पियन टोली लिभरपुलले पनि एमबाप्पले माथि चासो देखाइरहेको छ ।

पिएसजी सहमतिमा पुग्न आतुर देखिएको छ । तर, गत साता भएको पहिलो छलफलमा भने सम्झौता नविकरण हुनेमा क्लब कम आशावादी रहेको बताइएको छ । एमबाप्पले क्लबको भविष्य योजनालाई चासोपुर्वक हेरेपनि थोमस टुचेलको परिस्थिका कारण उनी त्यति सन्तुष्ट भने छैनन् ।

भावी योजना सन्तोषजनक हुन सकेको खण्डमा भने परिस्थिति पिएसजी अनुकुल हुन पनि सक्दछ । एमबाप्पेको परिवारले भने च्याम्पियन्स लिगको फाइनलमा पुगेको टोलीमै निरन्तरता चाहेको देखिन्छ ।

क्लबसँगको छलफल एकतिर चलिरहँदा एमबाप्पे भने मैदानमा केन्द्रित छन् । यो सिजन लिग वनका ५ खेलमा उनले ६ गोल गरिसकेका छन् । मेन्ट्जका इब्राहिम नेइनेसँगै एमबाप्पे संयुक्त रुपमा उच्च गोलकर्ता रहेका छन् ।

मेन्ट्ज भन्दा एक खेल कम खेलेको पिएसजी १८ अंक शीर्ष अंक तालिकोको शीर्षस्थानमा छ । लिग वानको जारी सिजनमा अपराजित टोलीका रुपमा लिल रहेको छ । लिलको पनि पिएसजीकै बराबर अंक छ ।