एजेन्सी – बार्सिलोना त्यो क्लबमध्य पर्दछ जसले हरेक खेल जित्ने आशा गरिन्छ । तर, त्यस्ता क्लबमा सानो गल्तिले पनि क्लबको सफलता फरक पर्न सक्दछ । लगातारको खराब नतिजाले क्लबमा संकटकाल नै आउन सक्दछ ।

अहिले बार्सिलोनाको अवस्था त्यहि छ । ला लिगाका पछिल्ला ३ खेलमा २ खेलमा पराजित भएको रियल सबैभन्दा महत्त्वका साथ हेरिएको रियल म्याड्रिडविरुद्धको एल क्लासिकोमा बार्सिलोना पराजित भयो । मैदान बाहिर र भित्र बार्सिलोनाले गरिरहेको संघर्षका बारेमा यहाँ केहि चर्चा गरिएको छ ।

नतिजा

रोनाल्ड कोम्यानले बार्सिलोनामा राम्रो सुरुवात गरेका थिए । सिजनका सुरुवाती दुई खेलमा बार्सिलोनाले भिल्लारियल र सेल्टा भिगोलाई सहजै हराएको थियो । त्यसपछि सेभिल्लासँगको खेलमा बराबरी खेलेको काटलान टोली गेटाफेसँग पराजित भएको थियो ।

त्यसपछिको अर्को खेलमा आफ्नै मैदानमा रियलसँग पराजित भएपछि टोलीको मनोबलमा स्वभाविक रुपमा धक्का लागेको छ । ला लिगाका पछिल्ला ३ खेलमा टोलीले जित हासिल गर्न सकेको छैन ।

प्रदर्शनमा एकरुपता नहुनु

बार्सिलोनाले मानसिकतामा परिवर्तन गर्ने संकेत गरेको छ । तर, त्यसका लागि प्रशिक्षक र खेलाडीबीच समन्वयको बढी आवश्यकता पर्दछ । कोम्यानले आफ्नो नयाँ शैलीका बारेमा खेलाडीलाई बुझाउनुपर्ने हुन्छ । तर, अहिलेको अवस्थामा उनीहरुले चाहे जस्तो आइरहेको छैन ।

एल क्लासिको

एल क्लासिको रियल र बार्सिलोना दुवैका लागि नतिजाका हिसाबले मात्र नभै प्रतिष्ठाका हिसाबले पनि बढी अर्थ राख्दछ । तर, ला लिगाको पहिलो क्लासिकोमा पराजित भएपछि बार्सिलोना केहि पछि परेको छ । यो हार खेलाडीको मानसिकतामा पनि प्रभाव पार्नेछ ।

मेस्सीको लय

कप्तान लिओनल मेस्सीको फर्म बार्सिलोनाका लागि सबैभन्दा बढी अर्थपुर्ण हुन्छ । मेस्सीले फर्ममा हुँदा टोलीले सफलता पाउने सम्भावना बढी रहन्छ । अर्जेन्टिनी सुपरस्टारले राम्रो प्रदर्शन गर्न नसक्दा त्यसले टोलीमा असर पर्नेगर्छ । यो सिजन उनले ला लिगामा १ गोल मात्र गरेका छन् । उनी पुरा लयमा देखिएका छैनन् ।

ग्रिजमनको पर्खाइ

बार्सिलोनाले उच्च अपेक्षाका साथ गत बर्ष एन्टोनी ग्रिजमनलाई भित्राएको थियो । ग्रिजमनलाई यो सिजन कोम्यानले राइट विङ्सबाट खेलाइरहेका छन् । तर उनको प्रदर्शन भने सन्तोषजनक हुन सकेको छैन । जसले गर्दा कोम्यानमाथि पनि दबाब बढेको छ ।

आन्तरिक द्वन्द्व

बार्सिलोनाको बोर्डमाथिको खेलाीको विश्वास पनि डगमगाएको छ । त्यसमा पनि खास गरि मेस्सीको सम्बन्ध क्लबसँग सहज छैन । अन्य खेलाडीको पनि सम्बन्ध राम्रो छैन । तलब कटौतीका कारण पनि अध्यक्ष जोसेप मारिया बोर्टेमेउसँग खेलाडी खुसी छैनन् । बोर्टेमेउले पनि विश्वासको मत लिनुपर्ने अवस्था सृजना भएको छ ।

कमजोर रक्षापंक्ति

सिजनका केहि खेलको प्रदर्शनलाई हेर्दा टोलीको रक्षापक्तिमा कमजोरी देखिएको छ । फ्रेन्की डि जोङ र क्लेमेट लेनग्लेटले पटक फाउल गर्दा बार्सिलोनाको संकट बढेको छ । एकले गेटाफे र अर्कोले रियलसँगको गल्तिका कारण खेलमा विपक्षीलाई फाइदा पुगेको थियो ।

मध्यपंक्तिमा समस्या

कोम्यानले प्रशिक्षकका रुपमा बार्सिलोना सम्हालेदेखि मिडफिल्डमा समस्या देखिएको छ । सर्जियो बुस्केटलाई दिएको जिम्मेवारीमा पनि प्रश्न खडा भएको छ । त्यस्तै मिरालेम पिजेनिक विङ्समा खेल्ने प्रतिक्षमा छन् ।