हाम्रो खेलकुद – च्याम्पियन्स लिगको समुह चरणको खेल खेलमा बायर्नले सहज जित दर्ता गरेको छ भने आर्सनल र पेरिस सेन्ट जर्मेनको खेल बराबरीमा टुङ्गिएको छ।
रोस्टोभलाई ५-०ले पाखा लगाउँदै च्याम्पियन्स लिगमा बायर्नले सुखद सुरुवात गरेको छ। उसका लागि जोसुवा किमिचले दुई गोल गरे भने रोबर्ट लेवान्डोस्की, थोमस मुलर र वान बर्नाटले एक-एक गोल थपे।
उता पेरिसको घरेलु मैदानमा भएको खेलमा पहिलो मिनेटमा एडिनस्न कभानिको गोलले अग्रता लिएको पिएसजीले आर्सनलसंग १-१को बराबरी खेल्यो। आर्सनलको लागि बराबरी गोल एलेक्सीस स्यान्चेजले फर्काएका थिए। खेलको अन्तिम समयमा हात हालाहाल गरेको भन्दै मार्को भेराट्टि र ओलिभिएर जिरुडले रातो कार्ड पाएका थिए।
