राजविराज, २० भदौ

राष्ट्रिय स्तरको प्रतियोगिता गराउन सक्ने रंगशालाका रुपमा परिचित सगरमाथा अञ्चलकै एकमात्र रंगशाला राज रंगशाला बेवारिसे अवस्थामा पुगेको छ ।

रंगशालाका संरक्षण र आवश्यक मर्मत सम्भारको अभावनमा सो अवस्थामा पुगेको हो । रंगशालमा २ फिटसम्म पानी जमेर माछा पोखरीको रुपमा परिणत भएको छ । जसका कारण विगत ३ महिनादेखि खेलकुद प्रतियोगिता तथा अभ्यास हुन सकेको छैन ।

२ विघा ७ कठा ४ धुर क्षेत्रफलमा अवस्थीत राज रंगशालामा पानी निकासको उचित ब्यवस्था हुन नसक्दा वर्षायाममा प्रत्येक वर्ष जलमग्न हुने गरे पनि समाधानका लागि कुनै पहल नभएको स्थानिय सरोकार वालाको गुनासो छ ।

प्याराफिट समेत जीर्ण भई जोखिमपूर्ण अवस्थामा पुगेको छ । कराातेका सहायक प्रशिक्षक संजय परियारले जिर्ण प्याराफीट भत्केर दुर्घटना हुन सक्ने औल्याए। सो विषयमा खेलकुद मन्त्री र राष्ट्रिय खेलकुद परिषद्लाई गुहारे पनि आश्वासन बाहेक केही नपाइएको जिल्ला खेलकुद विकास समिति सप्तरीका कार्यालय प्रमुख लक्ष्मण मण्डल बताउछन् ।

२०३६ सालमा तत्कालीन अञ्चलाधीश लक्ष्य बहादुर गुरुङको पालामा निर्माण भएको सो रंगशालाको झण्डै ३ दशक भन्दा बढी समय वितिसक्दा पनि एकपल्ट पनि मरम्मत कार्य हुन सकेको छैन । आर्थिक वर्ष आर्थिक बर्ष २०६८।०६९ देखि लगातार चार पटक रंगशालाको स्तरोन्नतिका लागि योजना बनाए तर केहि हुन नसकेको मन्डल बताएाछन् । राष्ट्रिय खेलकुद परिषद् समक्ष बजेटको माग गरे पनि हालसम्म प्राप्त नभएकाले रंगशालाको दुरावस्था टुलुटुलु हेरेर बस्नु परेको समितिका कार्यालय प्रमुख मण्डलको भनाई छ।