आफ्नो ८८ बर्षको इतिहासमा पहिलो पल्ट ला लिगा खेलेको लेगानेस बिरुद्ध बार्सिलोनाले सहज जित निकालेको छ । च्यम्पियन्स लिगमा सेल्टिकसङ खेल्न ७ भन्दा धेरै परिवर्तन गर्दा नवप्रवेशी अलाभेससङ २-१ ले पछी परेको बार्सा , मेस्सी , स्वारेज र नेमार सुरुवाती ११ मा उपस्थित हुँदा ५-१को जित अंगाल्न सफल भएको हो ।
बार्सिलोनाको जितमा मेस्सीले २ , लुइस स्वारेज , नेमार र राफिनाले १-१ गोल गरे । त्यस्तै लेगानेसको लागी गाब्रीयल पिरेसले शानदार फ्री किक मार्फत सान्त्वना गोल प्रधान गर्न सफल भए ।
अर्को खेलमा एथ्लेटिको म्याड्रीडसङ भिड्ने बार्सा हाल ४ खेलमा ९ अंकको साथ अंक तालिकाको शीर्षस्थानमा छ ।
