पेप ग्वार्डिवोलाको म्यान्चेस्टर सिटिले इङ्लिश प्रीमियर लिगमा लगातार पाँचौ खेलमा जित हासिल गरेको छ । बोउरमाउथसँगको खेलमा सहज ४-० को नतिजा निकाल्दै सिटिले ५ खेलमा १५ अंक बटुल्दै शिर्ष स्थानमा आफ्नो कब्जा जमाउन सफल भएको छ ।
अग्वेरोको अनुपस्थितिमा केभिन डि ब्र्याइनले गोल गर्दै सिटिलाई खेलमा अग्र्ता दिलाए । त्यस्तै जितलाई सहज बनाउदै सिटिको तर्फ बाट इहेनाचो , रहिम स्टेर्लिङ र ग्वेन्डोगनले थप गोलहरु गरे ।
आर्सनल विजयी
त्यस्तै अर्को खेलमा आर्सनलले हल सिटी बिरुद्ध ४-१को जित नतिजा निकालेको छ । एलेक्सिस स्यान्चेजको २ गोल र जाका र वाल्कटको १-१ गोलको मद्धतले आर्सनलले पुर्ण ३ अंक बटुल्न सफल भएको हो ।
अन्य खेलहरुमा साबिक बिजेता लेस्टरले बर्निलाई ३-० ले पाखा लगायो र वेस्ट ब्रोमले वेस्ट ह्यामलाई ४-२ ले जित्न सफल भयो ।
