एजेन्सी – इंग्लिस प्रिमियर लिगमा आज राति विभिन्न ४ खेलमा प्रतिस्पर्धा हुदैछ । म्यानचेस्टर डर्वीको खेल आज राति हुदा चेल्सीले एभर्टनसँग प्रतिस्पर्धा गर्दैछ ।

म्यानचेस्टर डर्वी राति ११ः१५ बजे युनाइटेडको घरेलु मैदान ओल्डट्राफोर्डमा हुनेछ । अंक तालिकाको सातौ र आठौं स्थानमा रहेको दुवै टोली जित निकाल्दै अंक तालिका सुधार गर्ने लक्ष्यमा हुनेछ ।

च्याम्पियन्स लिगबाट बाहिरिसकेको युनाइटेड घरेलु मैदानमा सिटीलाई हराउने लक्ष्यमा हुनेछ । टोलीसँग ब्रुनो फर्नान्डेस, मार्कुस रासफोर्ड, मासन ग्रीनवुड, पल पोग्वा, नेमान्जा माटिच, स्कट म्याकटोमिने, एलेक्स टेलास, भिक्टोर लिन्डेलफ, आरोन वान बिशाखा र गोलरक्षक डेभिड हे गेया हुनेछ ।

टोलीसँग लुका सा, ह्यारी मिगुएर, डोनी भान डि विक र ब्रान्डन विलियम्स पनि रहेको छ । यता, पछिल्लो पाँच खेलमा अपराजित रहेको सिटी पनि युनाइटेडलाई उसकै मैद्यानमा हराउदै अंक तालिका सुधार गर्ने लक्ष्यमा हुनेछ ।

टोलीसँग रहिम स्टर्लिङ, गाब्रियल जेसस, रियाद महारेज, फिल फोडेन, रोड्री, केभिन डि ब्रुयन, बेन्जामिन मेन्डी, जोन स्टोन्स, रुवेन डियास, केएल वाल्कर र गोलक्षक इडर्सन मोराएस टोलीमा हुनेछ ।

इरिक गार्सिया, फेरान टोरेस, बर्नाडो सिल्भा, फर्नाडिन्हो, इल्केए गुन्डोगान, इरिक गार्सिया, एमेरिक लापोर्ट, नाथन एके पनि टोलीसँग रहेको छ ।

सिटीलाई हराउन सके युनाइटेड चौथो स्थानमा उक्लनेछ । सिटीले पनि युनाइटेडलाई हराउन सके लेस्टरसँग अंक बराबरी गर्दै गोल अन्तरमा चौथो स्थानमा उक्लनेछ ।

यि दुई टोलीको पछिल्लो २७ खेलको नतिजा हेर्दा दुवै टोली समान १२ जित निकालेको छ । ३ खेल बराबरीमा सकिएको छ । गत सिजन यि दुई टोलीले समान १ जित निकालेका थिए । त्यसैले यि दुई टोलीबीचको खेल निकै रोमाञ्चक र प्रतिस्पर्धात्मक हुने अपेक्षा गरिएको छ ।