default_image

2 weeks ago

May 1, 2024

आयोजक र काठमाडौं गोदावरी मेयर कपको क्वार्टरफाइनलमा

280 views

0 Bookmark

ललितपुर (हाम्रो खेलकुद) – आयोजक गोदावरी नगरपालिका र काठमाडौं महानगरपालिका गोदावरीमा अन्तर पालिका खुल्ला मेयर कप फुटबल प्रतियोगिताको क्वार्टरफाइनलमा प्रवेश गरेका छन् ।

गोदावरी १० टाहाखेल–झ्यालुन्टारस्थित प्रस्तावित गोदावरी बहुउद्देश्यीय रंगशालामा बुधबार ललितपुर महानगरपालिकालाई पेनाल्टी सुट आउटमा ५–३ ले हराउँदै गोदावरी बि अन्तिम आठमा पुगेको हो ।

अर्को खलमा काठमाडौं महानगरपालिकाले बुढानिलकण्ठ नगरपालिकालाई पेनाल्टी सुटआउटमा ४–२ ले हराउँदै क्वार्टरफाइनलमा प्रवेश गरेको हो ।

गोदावरी बि र ललितपुर महानगरबीचको खेल निर्धारित ९० मिनेट २–२ बराबरीपछि खेल टाइब्रेकरमा गएको थियो । ५३ औं मिनेटमा निरोज मर्हजनको गोलमा ललितपुर अगाडी बढ्यो ।

तर खेलको ५७ औं मिनेटमा राजन मर्हजनले गोदावरीका लागि बराबरी गोल गरे । ५९ औं मिनेटमा फेरी महानगरका निरोजले नै गोल गरे । खेलको ८४ औँ मिनेटमा अनिल लामा बोम्जनले गोदावरीका लागि बराबरी गोल गरे ।

पेनाल्टी सुट आउटमा गोदावरीकी श्रीराम थापा, प्रज्वल श्रेष्ठ , राजन मर्हजन, मनिष तिमल्सिना, अनिल लामा बोम्जनले गोल गरे । महानगरका निरोज मर्हजन, सुविवेक मल्ल र आर्यन थापा मगरले गोल गरे । रोहित गिरीले गोल गर्न सकेनन् ।

त्यो खेलअघि गोदावरी ४ कुमारी सामुदायिक वनमा लागेको आगो निभाउन जाँदा आगोले पोलेर मृत्यु भएका शंकर पहारी र रमेश पहारीको संझनामा एक मिनेट मौनधारण गरिएको थियो ।

अर्को खेलमा काठमाडौं महानगरले बुढानिलकण्ठलाई पेनाल्टी सुट आउटमा हरायो । ९० मिनेट गोलरहित बराबरीमा टुंगिएपछि पेनाल्टी काठमाडौंले बाजी मार्यो ।

काठमाडौंका लागि सरोज तामाङ, मनिष सेढाई, असिम गुरुङ र एरिक विष्टले पेनाल्टिमा गोल गरे । बुढानिलकण्ठका लागि विवेक पण्डित र मनिष पौडेलले गोल गरे । दिविज खड्का, क्षीतिज खड्का र पेम्बा दोर्जे लामा सफल हुन सकेनन् ।

योसँगै क्वार्टरफाइनलको समीकरण पूरा भएको छ । गोदावरी बि , काठमाडौंअघि, कीर्तिपुर ,मध्यपुर थिमि, नागार्जुन , चन्द्रागिरी, महालक्ष्मी र दक्षिणकाली क्वार्टरफाइनलमा पुगेका छन् ।

शुक्रबार नागार्जुन र चन्द्रागिरीबीच पहिलो तथा महालक्ष्मी र दक्षिण कालीबीच दोस्रो क्वार्टरफाइनल खेल हुनेछ । प्रतियोगिताको विजेता टोलीले ५ लाख र दोस्रो हुने टोलीले ३ लाख रुपैयाँ प्राप्त गर्नेछ ।

May 18, 2024

एडर्सनले दुई महत्वपूर्ण खेल गुमाउने

एजेन्सी – इंग्लिस क्लब म्यानचेस्टर सिटीका पहिलाे राेजाईका ब्राजिली गोलरक्षक एडर्सन मोराएसले दुई महत्वपूर्ण खेल गुमाउने भएका छन् । आँखाको चोटका कारण मोराएसले प्रिमियर लिगको उपाधि निर्णायक र एफए कपको फाइनल खेल गुमाउने भएका हुन् । मंगलबार टोटेनहमलाई २–० ले पराजित गरेको खेलमा ३० वर्षीय मोराएसले चोट बोक्न पुगेका थिए । स्पर्शका क्रिस्टियन रोमेरोसँग जुध्न […]

May 17, 2024

बागमती सि डिभिजनको शीर्ष स्थानमा

एजेन्सी – बागमती युवा क्लब जारी सहिद स्मारक सि डिभिजन लिगको शीर्ष स्थानमा उक्लिएको छ । एन्फा कम्प्लेक्स सातदोबाटोमा शुक्रबार भएको खेलमा खालीवारी युवा क्लब विरुद्ध गोलरहित बराबरी खेलेसँगै बागमती शीर्ष स्थानमा उक्लिएको हो । बागमतीको ८ खेलमा १७ अंक पुगेको छ । १०औं स्थानमा रहेको खालीबारीको भने ९ खेलमा ९ अंक मात्र रहेको छ […]

May 17, 2024

रोनाल्डो बने सर्वाधिक कमाउने खेलाडी

एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]

Success

Thank you for your time.