एजेन्सी – यो सिजन बार्सिलोना ला लिगामा संघर्ष गरिरहेको छ । त्यति मात्र होइन च्याम्पियन्स लिगको समूह चरणमा पनि टोली उपविजेताका रुपमा अन्तिम १६ मा पुगेको थियो । टोलीलाई लयमा फर्काउना ठूलो रकम खर्चनु पर्ने देखिएको छ ।

यद्दपी प्रशिक्षक रोनाल्ड कोम्यान अहिलेको खराब नतिजाबाट कसरी सफलतामा फर्कन सकिन्छ भन्ने खोजीमा पक्कै रहनेछन् । कतिपय खेलाडीले भने सोचे भन्दा कमजोर प्रदर्शन गरिरहेका छन् ।
खेलाडी बाहेक अरु कसको कमजोरी हुन सक्दछ ।

‘ जो खेल्छ उसकै कमजोरी हुन्छ,’ युभेन्ट्ससँग च्याम्पियन्स लिगको समूह चरणमा पराजित भएपछि एन्टोइन ग्रिजमनले भनेका थिए,’ हामीलाई थाहा छ कसरी मेहनत गर्नु पर्छ र दौडनुपर्छ भन्ने, हरेक दिन त्यसकै अपेक्षा गरिन्छ ।’

कप्तान लिओनल मेस्सी र ग्रिजमन दुवैले यो सिजन अपेक्षा अनुसारको प्रदर्शन गर्न नसकेको भन्दै आलोचनाको सामना गर्नुपरेको छ । दुवैले खेलमा मेहनत गरेको देखिएपनि त्यसले टोलीलाई हरेक खेलमा सफलता मिलेको छैन ।

ला लिगामा यो सिजन टोलीले ४ हार बेहोरिसकेको छ । फिलिप्पे काउटिन्हो, फ्रेन्की डि जोङ, ओसमाने डेम्बेले, मिरालिम प्यानिच र फ्रान्सिस्को ट्रिनकाउ जस्ता खेलाडीले पनि अपेक्षा अनुसारको प्रदर्शन गर्न सकेका छैनन् ।

ब्राजिलियन अन्तर्राष्ट्रिय मिडफिल्डका टोलीको नेतृत्वको सम्हाल्ने अपेक्षा गरिएको थियो । तर, १८ वर्षे पेड्रीको भन्दा काउटिन्होको प्रदर्शन कमजोर रहँदै आएको छ । सन् २०१८ मा १ सय ५० मिलियन युरोमा उनी लिभरपुलबाट बार्सिलोनामा पुगेका थिए ।

क्लबको इतिहासमा सर्वाधिक महँगो खेलाडीका रुपमा बार्सिलोना पुगेका काउटिन्होले यो सिजन १० खेलमा ३ गोल र २ असिस्ट गरेका छन् । गत सिजन उनी लोनमा बायर्न म्युनिखमा थिए । त्यस्तै आयक्सबाट फर्केका डि जोङ पनि अपेक्षा अनुसार खरो उत्रन सकेका छैनन्।

यसबाट प्रष्ट हुन्छ टोलीले यो सिजन सोचे अनुरुप गर्न सकिरहेको छैन । यस्तोमा मेस्सी र ग्रिजमनबाट पक्कै पनि घरेलु प्रतियोगिता र युरोपियन प्रतियोगितामा उच्च प्रदर्शनको अपेक्षा गरिन्छ नै । यस्तोमा टोलीले आइतबार ला लिगामा लेभान्टेको सामना गर्दैछ । कोम्यानले आशा गरेका हुन सक्छन् टोलीको पुरानै लयमा फर्कनका लागि त्यो एउटा महत्त्वपूर्ण खेल हुन सक्छ ।