एजेन्सी – युरोपियन फुटबलमा पछिल्लो एक दशक लिओनल मेस्सी र क्रिस्टियानो रोनाल्डोले अनगिन्ती उपाधि जिते । कीर्तिमान तोडे । व्यक्तिगत अवार्ड पनि त्यत्तिकै जिते । तर सामुहिक सफलताका लागि टोलीका साथ स्तरीय मिडफिल्ड हुनु त्यतिकै जरुरी हुन्छ ।

सर्जियो बुस्केट्स, जाभी र आन्द्रे इनियस्टाले आफ्नो उच्च प्रदर्शनबाट बार्सिलोना, स्पेन र युरोपमा राज गरेका थिए । त्यस्तै रियल म्याड्रिडमा तीन मिडफिल्डर कासेमेरो, टोनी क्रुस र लुका मोड्रिडको उच्च प्रदर्शनबाट प्ररित टोलीले रोलाल्डोसहित ४ वटा च्याम्पियन्स लिग उपाधि जितेका थिए ।

उमेरको असर सबैमा पर्छ नै । कमै खेलाडीले बढ्दो उमेरमा पनि आफूलाई मैदानमा बारम्बार प्रमाणित गरेका छन् । क्रुस र मोड्रिचले टोलीमा आफ्नो अलग स्थान बनाएका छन् । विश्व फुटबलमा अहिले उनीहरु दुई जस्तो मिडफिल्डर छैनन् ।

ला लिगामा एट्लेटिको म्याड्रिडलाई २–० ले हराएपछि रियलका प्रशिक्षक जिनेदिन जिदानले भने, ‘उनीहरु साच्चै असाधारण छन् । शनिबार कासेमेरोको प्रदर्शन अरु बेलाको भन्दा कमजोर नै थियो । तर जर्मन र क्रोएसियन मिडफिल्डले भने मिडफिल्डनमा प्रभाव जमाएका थिए । ‘

एट्लेटिकोको पाँच मिडफिल्डरका बीचमा क्रुस र मोड्रिचले पहिलो हाफ र दोस्रो हाफमा अझै बढी उनीहरुलाई छायाँमा पारेका थिए । च्याम्पियन्स लिगमा बारुसिया मोन्चेनग्लाबाकविरुद्ध मोड्रिच केहि ढिला देखिएका थिए । क्रुस भने डर्वीमा निकै प्रभावशाी देखिएका थिए ।

लिगका अन्य २ सय मिडफिल्डमा पनि उनीहरु जस्तो क्षमतावान खेलाडी देख्न मुस्किल छ । एट्लेटिकोले जसरी ला लिगामा खेल्दै आएको थियो रियलविरुद्ध भने त्यस्तो प्रदर्शनमा चुकेको थियो । मुख्यत उनीहरुले क्रुस र मोड्रिचको दबाबलाई झेल्न सकेनन् । यदि उनीहरुलाई आफ्नो क्षमतामा खेल्न दिने हो भने उनीहरुले बल र खेल आफ्नो पक्षमा पर्नेछन् ।