3 years ago
December 14, 2020
एजेन्सी – इंग्लिस प्रिमियर लिगमा लेस्टर सिटीले सानदार जित दर्ता गर्दा लिभरपुल बराबरीमा रोकिएको छ । घरेलु मैदानमा लेस्टर सिटीले ब्राइटनमाथि ३–० को सानदार जित हात पारेको हो । लेस्टरको जितमा जेम्स म्याडिसनले दुई गोल गर्दा जेमी भार्डीले एक गोल थपे । सबै तीन गोल पहिलो हाफमा सम्भव भएको थियो । किङ पावर स्टेडियममा आइतबार […]
एजेन्सी – इंग्लिस प्रिमियर लिगमा लेस्टर सिटीले सानदार जित दर्ता गर्दा लिभरपुल बराबरीमा रोकिएको छ । घरेलु मैदानमा लेस्टर सिटीले ब्राइटनमाथि ३–० को सानदार जित हात पारेको हो ।
लेस्टरको जितमा जेम्स म्याडिसनले दुई गोल गर्दा जेमी भार्डीले एक गोल थपे । सबै तीन गोल पहिलो हाफमा सम्भव भएको थियो । किङ पावर स्टेडियममा आइतबार राति भएको खेलमा घरेलु टोलीले खेलको २७औं मिनेटमा जेम्स म्याडिसनको गोलबाट अग्रता लिएको थियो ।
उनले जेमी भार्डीको पासमा गोल गरेका थिए । ४१औं मिनेटमा जेम्स जस्टिनको पासमा जेमी भार्डीले गोल गर्दै लेस्टरको अग्रता दोब्बर पारे । ४४औं मिनेटमा जेमी भार्डीकै पासमा म्याडिसनले व्यक्तिगत दोस्रो गोल गरेपछि लेस्टरले पहिलो हाफमै ३–० को लिन सफल भएको थियो ।
दोस्रो हाफमा दुवै टोलीले गोलका केही अवसर सिर्जना गरेपनि गोल निस्कन नसक्दा लेस्टर ३–० ले विजयी हुन सफल भयो । यो जितसँगै लेस्टर १२ खेलबाट २४ अंक जोडेर तेस्रो स्थानमा रहँदा ब्राइटन १० अंक जोडेर १६औं स्थानमा रहेको छ ।
प्रिमियर लिगकै अर्काे खेलमा साविकको विजेता लिभरपुल फुलहमसँग बराबरीमा रोकिएको छ । २८औं मिनेटमा बोबी रेइडको गोलबाट पछि परेको लिभरपुलले ७६औं मिनेटमा मोहम्मद सलाहको पेनाल्टी गोलबाट खेललाई बराबरीमा ल्याउन सफल भएको हो ।
यो बराबरीले लिभरपुलले शीर्षस्थानमा उक्लने मौका गुमाउदा दोस्रो स्थानमा नै यथावत रहेको छ । फुलहम ८ अंकसहित १८औं स्थानमा रहेको छ ।
यस्तै प्रिमियर लिगकै अर्काे खेलमा आर्सनल बर्नलेसँग १–० ले स्तब्ध बनेको छ । कप्तान पिएरे इमरिक औवामियाङको आत्मघाती गोल नै आर्सनलको हारमा निर्णायक बन्यो । उनले ७३औं मिनेटमा आत्मघाती गोल गरेका थिए ।
यो हारसँगै आर्सनल १३ अंक जोडेर १५औं स्थानमा रहँदा बर्नले ९ अंक जोडेर १७औं स्थानमा उक्लिएको छ ।
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]
April 28, 2024
हिमाल खरेल, झापाझापाको बुद्वशान्तिमा सुरु भएको तेस्रो आदर्श च्यालेन्ज कप फुटबल प्रतियोगिताको उद्घाटन खेलमा विजयी हुँदै आयोजक आदर्श युवा क्लब सेमिफाइनलमा प्रवेश गरेको छ । ध्रुवतारा स्पोर्टिङ क्लबलाई २-१ले हराउँदै आयोजक अन्तिम चारमा पुगेको हो । आयोजकका लागि खेलको १७ औं मिनेटमा कप्तान पुजन थापाले पहिलो गोल गरे । रोमन भुजेलले दिएको क्रसमा पेनाल्टी बक्समा […]
April 28, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल खालिज माथि १-० को जित निकालेको हो । अल नासरको जितमा डिफेन्डर आईमेरीक लापोर्टले खेलको एकमात्र गोल गरे । ६८औं मिनेटमा मार्सेलो ब्रोजोभिचको क्रसमा उनले हेडर मार्फत गोल गर्दै खेलमा आफ्नो टोलीलाई जित दिलाए । जित पछि […]