एजेन्सी – इटालियन सिरी ‘ए’ को शीर्षस्थानमा रहेको एसी मिलान र इन्टर मिलानले आ–आफ्नो खेलमा सफलता हात पारेका छन् ।

सिरी ‘ए’ मा अपराजित रहँदै शीर्षस्थानमा रहेको एसी मिलानले सासुओलोमाथि २–१ को जित निकालेको हो । मिलानको जितमा राफयल लिआओ र एलेक्सिस सलिमर्कसले गोल गरे । घरेलु टोलीका डोमिनिको बेरारडीले एक गोल फर्काए ।

खेलको ६.२ सेकेन्डमा नै राफयल लिआओले गोल गर्दै मिलानलाई १–० को अग्रता दिलाएका थिए । जुन सिरी एको शीर्ष श्रेणीको इतिहासमा सर्वाधिक छिटो गोल हो । मिलानले सेन्टरबाट बल चलाउदा हाकान कलआनोग्लुबाट पास लिएका लिआओले दुई टच गर्दै डिफेन्सलाई पार गरे र पोस्टमा गरेको प्रहार सिधै गोलमा परिणत भएको थियो ।

नवौं मिनेटमा हकान कलहानोग्लुले गोल गरेपनि भिएआरबाट अफसाइड ठहरिदा गोलले मान्यता पाएन । २६औं मिनेटमा एलेक्सिस सलिमर्कसले थियो हर्नान्डेजको पासमा गोल गर्दै मिलानको अग्रता दोब्बर पारे ।

खेल सकिन एक मिनेट बाँकी रहँदा डोमिनिको बेरारडीले गोल गर्दै खेललाई २–१ को अवस्थामा ल्याएपनि हार टार्न सकेन । यो जितसँगै मिलान १३ खेलबाट ३१ अंक जोड्दै शीर्षस्थानमा यथावत रहेको छ । पराजित सासुओलो २३ अंक जोडेर छैटौं स्थानमा छ ।

आइतबार राति नै भएको अर्काे खेलमा इन्टर मिलनाले स्पेजियामाथि २–१ को जित निकालेको छ । मिलानको जितमा अचरफ हाकिमी र रोमेलु लुकाकुले गोल गरे । स्पेजियाका पिकोलीले एक गोल फर्काए ।

यो जितसँगै इन्टर मिलानले शीर्षस्थानको एसी मिलानसँगको अंक दुरी १ मा यथावत राखेको छ । इन्टरको ३० अंक छ । स्पेजिया ११ अंक जोडेर १७औं स्थनमा छ ।

अन्य नतिजा
एटलान्टाविरुद्ध रोमा (४–१), लाजियोविरुद्ध नेपोली (२–०)