हाम्रो खेलकुद – रुस्लन थ्री स्टार क्लब भारतको गुहावटिमा भैरहेको ६४औं भारत रत्न बोर्दोलोई गोल्ड कप फुटबल प्रतियोगिताको फाइनलमा पूगेको छ।
आज भएको सेमिफाइनल खेलमा युनाईटेड सिक्किम फुटबल क्लबलाई ४-१ले पराजित गर्दै थ्री स्टार फाइनल पुगेको हो। निर्धारित समयमा १-१को बराबरीमा अड्किएको खेलमा अतिरिक्त समयमा थ्री स्टारले तिन गोल गर्दै विजय हासिल गरेको थियो।
थ्री स्टारका लागि मार्टिन्सले गोल गर्दै अग्रता दिलाएपनी खेलको ८९औं मिनेटमा सिक्किमले बराबरी गोल फर्काएको थियो। तर थ्री स्टारले आक्रामक लय समाएपछि अतिरिक्त समयमा तिन गोल थप्यो। थ्री स्टारका लागि मार्टिन्स, विजय धिमाल र विजय गुरुङ्गले अतिरिक्त समयमा गोल गरे।
फाइनलमा थ्री स्टारले शिलोंग लाजोंग र इष्ट बंगालको खेलको विजेता संग प्रतिस्पर्धा गर्नेछ।
