हाम्रो खेलकुद – स्पेनिश ला लिग अन्तर्गत आइतबार राति भएको खेलमा सेल्टा भिगोले बार्सिलोनालाइ ४-३ले पराजित गरेको छ।
पहिलो हाफमा ३-०को अग्रता बनाएको सेल्ट भिगोलाई दोश्रो हाफमा बार्सिलोना खेलमा फर्केपछि केहि दवाब सिर्जना भएको थियो। तर बार्सिलोनाका गोलरक्षक टेर स्टेगेनले गरेको गल्तिको फाइदा उठाउंदै सेल्ट पुन: अग्रता बनाउन सफल रह्यो।
बार्सिलोनाका लागि जेरार्ड पिकेले हेडिंग मार्फत दुइ गोल फर्काए भने एक गोल नेयमारले पेनाल्टिबाट गरेका थिए। सेल्टाको लागि पिओने सिस्टो, पाब्लो हेर्नान्देज र इआगो आसपासले गरेका थिए। एक गोल भने आत्मघाती जेरेमी म्यथिएयुको नाममा रह्यो।
रियल म्याड्रिड र ऐबारले १-१को बराबरी खेलेपछि बार्सिलोनालाई पहिलो स्थानमा चढ्ने मौका मिलेको थियो। तर सेल्टा संगको खेल हारेपछि बार्सिलोना चौथो स्थानमा नै अड्केको छ।
