हाम्रो खेलकुद – विश्वकप २०१८को छनोट चरण अन्तर्गत शनिबार राति भएको खेलमा जर्मनीले चेक रिपब्लिक विरुद्ध ३-०को सहज जित दर्ता गरेको छ।
थोमस मुलरको १३औं मिनेटको गोलले अग्रता लिएको जर्मनी टोनी क्रुसले ४९औं मिनेटमा गोल गर्दा २-०ले अघि बढेको थियो। मुलरले पुन: एकपटक गोल गर्दै जर्मनीलाई ८५औं मिनेटमा ३-०को स्थितिमा पुर्याएका थिए।
छनोटको पहिलो खेलमा नर्वेलाई ३-०ले हराएको जर्मनी समुह ‘सी’ को शिर्ष स्थानमा रहेको छ। जर्मनीले अर्को खेल उत्तरी आएरल्याण्डसंग खेल्नेछ।
