काठमाडौं, भाद्र २३ ।
अखिल नेपाल फूटबल सघं (एन्फा) को साधारण सभा बारेमा पाटन पुनरावेदन आदलतले आज निर्णय आज सुनाउदै छ । भाद्र १७ मा भएको इजलासले आजको मितिमा फैसला गर्ने निर्णय गरेको थियो ।
एन्फाकै उपाध्यक्षद्वय कर्मा छिरिङ शेर्पा, विजयनारायण मानन्धर र सदस्य पंकज नेम्बाङको उजुरीमा पुनरावेदनले साधारण सभा रोक्न अन्तरिम आदेश जारी गरेको थियो । भाद्र १७ मा बिहान ११ देखि झन्डै ५ घन्टा चलेको बहसमा वादीकातर्फबाट उपेन्द्रकेशरी न्यौपाने, हिरा रेग्मी र शेरबहादुर केसी तथा प्रतिवाaदीकातर्फबाट शुसिल पन्त, शम्भु थापालगायत ५ जना वकिलले बहस गरेका थिए ।
एन्फा र उजुरीकर्ता पक्षले एन्फाको अलग अलग विधान पेश गरेपछि पुनरावेदनले त्यसमा पनि आज छलफल गर्ने भएको छ । एन्फाले २०७० कात्तिक ७ गते साधारण सभाले अनुमोदन गरेको र अर्को पक्षले राष्ट्रिय खेलकुद परिषद् (राखेप) मा एन्फाले विगतमा दर्ता गरेको विधान प्रस्तुत गरेको थियो ।
