हाम्रो खेलकुद – फिफा विश्वकप २०१८को छनोट चरण अन्तर्गत स्पेनले अल्बानियालाई २-०ले पराजित गरेको छ।

पहिलो हाफ गोलरहित बराबरीमा टुंगिएपछि दोश्रो हाफमा स्पेनले दुइ गोल गरेको थियो। डिएगो कोस्टाले ५५औं मिनेट र नोलिटोले ६३औं मिनेटमा गोल गरेका थिए।

तिन खेलमा ७ अंक जोडेको स्पेन छनोट चरणको अंक तालिकामा शिर्ष स्थानमा छ। इटाली पनि सात अंक बोकेरनै दोश्रो स्थानमा छ। इटालीले म्यासेडोनियालाइ ३-२ले पराजित गर्यो। इटालीका लागि आन्द्रे बेलोट्टीले एक गोल र चिरो इम्मोबिलेले दुइ गोल गरेका थिए। एक समय २-१ले पछि परेको इटालीका लागि इम्मोबिलेले ९०औं मिनेटमा गोल गरेपछि विजय भएको थियो।