पुनरावेदन अदालत पाटनले अखिल नेपाल फुटबल संघ (एन्फा) लाई असन्तुष्ट पक्षलाई नसमेटि साधारण सभा नगर्न अन्तरिम आदेश दिएको छ ।
अन्तिम फैसला नहुँदा सम्म साधारण सभा नगर्नु नगराउनु भन्ने भदौ १५ को अन्तरिम आदेशलाई निरन्तरता दिदै पुनरावेदनले बुधबार साधारण सभा गर्दा सबैलाई समेट्न आदेश गरेको हो ।
विधान विपरित साधारण सभा गर्न लागेको भन्दै एन्फाका उपाध्यक्षद्वय कर्मा छिरिङ शेर्पा र विजयनारायण मानन्धर तथा सदस्य पंकज नेम्बाङले दिएको उजुरीका आधारमा पुनरावेदनले भदौ १६ गतेका लागि तय भएको साधारण सभा रोक्ने अन्तरिम आदेश जारी गरेको थियो । पुनरावेदनले भदौं १७ गते दुईपक्षलाई बोलाइ छलफल गरेको थियो ।
