हाम्रो खेलकुद – पाकिस्तानको महिला राष्ट्रिय टोलीकी फरवार्ड शाल्याला अहमदजाइ बलोचको बुधबार राति कराचीमा कार दुर्घटनामा परि निधन भएको छ।
कारले बाटो छेउमा रहेको पोललाई ठक्कर दिएपछि बलोचको घटनास्थलमै मृत्यु भएको थियो। कारको चालकलाइ आवश्यक छानबिनका लागि गिरफ्तार गरिएको प्रहरीले बताएको छ।
२० बर्षीय बलोच बलोचिस्तान फुटबल टोलीबाट पनि खेल्ने गर्थिन। बलोचकी दिदि रहिला जर्माइन राष्ट्रिय टोलीको व्यवस्थापक हुन् भने आमा सिनेटर रुबिना इरफान पाकिस्तान फुटबल संगको महिला कमिटिको अध्यक्ष थिइन।
पाकिस्तान महिला फुटबल टिमका प्रशिक्षक तारिक लुत्फिले यस घटनाले पाकिस्तानी महिला फुटबललाइ ठुलो घाटा परेको बताए। उनका अनुसार बलोच अहिले सम्मकै सबैभन्दा उच्च स्टारको महिला खेलाडी रहेकी थिइन।
