एजेन्सी – कतार विश्वकप २०२२ को युरोपियन छनोटमा आज राति जर्मनीले रोमानियाको सामना गर्दैछ । खेल रोमानियाको मैदानमा राति १२ः३० बजेपछि हुनेछ ।

घरेलु टोली रोमानियालाई हराउदै जर्मनी समूहमा आफ्नो शीर्षतालाई निरन्तरता दिने दाउमा हुनेछ । समूह ‘जे’ मा जर्मनी र रोमानियाको समान ३ अंक भएपनि गोल अन्तरमा पहिलो र दोस्रो स्थानमा रहेको छ । जर्मनीसँग टिमो वेर्नर, काई हाभर्टज, सर्ज जिनाब्री, इल्केए गुन्डोगान, योसुवा किम्मिख, लियोन गोरेट्जका, एन्टेनियो रुडिगर, म्याथियस जिन्टर र गोलरक्षक तथा कप्तान म्यानुयल नोएरको साथ रहेको छ ।

यस्तै टोलीसँग लिरोए साने, लुकास क्लोसटर्मान, फ्लोरियन नेउहस, जमल मुसियला र एमिन युनेसको साथ रहेको छ । यता, रोमानिया पनि जर्मनीलाई स्तब्ध पार्दै शीर्षस्थानमा उक्लने दाउमा हुनेछ । जर्मनीलाई हराउन सके रोमानिया शीर्षस्थानमा उक्लने छ । क्लाउडिउ केसेरु, फ्लोरिनेल कोमान, लानिस हागी, डेनिस मान, राजभान मारिन र गोलरक्षक फ्लोरिन निताको साथ रहेको छ ।

यही समुह ‘जे’ को अर्काे खेलमा आइसल्यान्ड र अर्मेनिया तथा र नर्थ म्यासेडोनिया र लिचेस्टाइनबीच आज राति नै प्रतिस्पर्धा हुदैछ । अर्मेनियाको ३ तथा अन्य तीन टोली आइसल्यान्ड, नर्थ म्यासेडोनिया र लिचेस्टाइनले अंकको खाता खोल्न सकेको छैन ।

अन्य खेल
काजकस्तानविरुद्ध फ्रान्स (६ः४५ बजे), जर्जियाविरुद्ध स्पेन (राति ९ः४५ बजे), अल्वानियाविरुद्ध इंग्ल्यान्ड (राति ९ः४५ बजे), अर्मेनियाविरुद्ध आइसल्यान्ड (राति ९ः४५ बजे), डेनमार्कविरुद्ध माल्दोभा (राति ९ः४५ बजे), कोसोभोविरुद्ध स्वीडेन (राति १२ः३० बजे), बुल्गेरियाविरुद्ध इटाली (राति १२ः३० बजे), स्वीट्जरल्यान्डविरुद्ध लिथुआनिया (राति १२ः३० बजे), युक्रेनविरुद्ध फिनल्यान्ड (राति १२ः३० बजे), अष्ट्रियाविरुद्ध फारोइ आइल्यान्ड(राति १२ः३० बजे), पोल्यान्डविरुद्ध एन्डोरा (राति १२ः३० बजे) र सानमारिनोविरुद्ध हंगेरी, रोमानियाविरुद्ध जर्मनी (राति १२ः३० बजे)