दिपक बोहोरा ,पाँचथर, फिदिम
वुधवारबाट सदरमुकाम फिदिममा जिल्ला स्तरीय तरुण नक आउट फुटवल प्रतियोगिता सुरु भएको छ । उद्घाटन खेलमा नविडाँडालाई हराउँदै याङनाम दोस्रो चरणमा प्रवेश गरेको हो । याङनामले ट्राई वेकरमा ७–६ को जित निकालेको हो ।
निर्धारीत समयमा दुवै टिमले गोल रहित बरावरी खेलेका थिए । प्रतिस्पर्धात्मक खेलमा थपिएको समयमा पनि गोल नभएपछि जित ट्राईवेकरमा पुगेको थियो नेपाल तरुण दल पाँचथरले आयोजना गरेको प्रतियोगिता नेपाली कांग्रेसका वरिष्ठ नेता रामचन्द्र पौडेलले उद्घाटन गरेका थिए ।
प्रतियोगितामा पाँचथरका २१ बटा गाविसले प्रतियोगीतामा सहभागीता जनाएको तरुणदल पाँचथरका अध्यक्ष सुमन लामाले बताउनु भयो ।
कार्तिक २ गते बाट १० गते सम्म सञ्चालन हुने प्रतियोगितामा प्रथम हुने टिमले रु ५१००० र द्धितिय हुने टिमले ३५००० प्राप्त गर्ने लामाले बताए ।
