हाम्री खेलकुद – आगामी कार्तिक १७ गतेबाट मलेसियामा सुरु हुने एएफसी सोलिडारिटी कपका लागि प्रशिक्षणरत टोलीमा चोटले संकट आइपरेको छ।
त्रिभुवन आर्मी क्लबबाट व्यावसायिक फुटबल खेल्दै आएका रक्षक बिकास तामाङ चोटका कारण खेल्न नसक्ने भएका छन्। तिन हप्तायता प्रशिक्षणमा सहभागी नभएका बिकासले अब प्रतियोगितामा सहभागिता नजनाउने पक्का भएको हो। आर्मी क्लबलाइ गत सिजन दोश्रो स्थानमा पुर्याउन उनको महत्वपूर्ण भूमिका रहेको थियो।
बिकास विगत केहि महिनादेखि राष्ट्रिय टोलीको प्रशिक्षणमा परेपनि अन्तिम छनोटमा भने पर्न सकेका थिएनन। विकाससंगै प्रकाश बुढाथोकी, विशाल राई, भारत खवास, दिनेश राजबंशी, हेमन गुरुङ लगायतका खेलाडी घाइते भएपनि छिट्टै मैदानमा फर्किने बताइएको छ।
