एजेन्सी – फ्रेन्च लिग वानमा पेरिस सेन्ट जर्मेन (पीएसजी) ले सानदार जित निकालेको छ । पीएसजीले घरेलु टोली स्टार्सवर्गलाई ४–१ को फराकिलो गोल अन्तरले पराजित गरेको हो ।

पीएसजीको फराकिलो जितमा केलियन एमबाप्पे, पाब्लो साराविया, मोइस किन र लियान्द्रो ड्यानियल पारेडेसले गोल गर्दा घरेलु टोलीका डिओन सहीले एक गोल फर्काए । पीएसजीले पहिलो हाफमा ३–० को अग्रता लिदा दोस्रो हाफमा एक गोल थप्दा एक गोल बेहोरेको थियो ।

स्टार्सवर्गमा शनिबार राति भएको खेलको १६औं मिनेटमा एमबाप्पेको गोलबाट पीएसजीले अग्रता सलएको थियो । उनले र लियान्द्रो ड्यानियल पारेडेसको पासमा गोल गरेका थिए । २७औं मिनेटमा पाब्लो सारावियाले डानिलो पेरेइराको पासमा गोल गर्दै पीएसजीको अग्रता दोब्बर पारे ।

४५औं मिनेटमा मोइस किनले एमबाप्पेको पासमा गोल गरेपछि पीएसजीले पहिलो हाफमै ३–० को आरामदायी अग्रता लिएको थियो । ६३औं मिनेटमा डिओन सहीले गोल गर्दै घरेलु टोलीलाई खेलमा फर्काउने संकेत दिए । उनले जिन रिक्नेर बेलेगार्डको पासमा गोल गरेका थिए । तर ७९औं मिनेटमा लियान्द्रो पारेडेसले गोल गर्दै पीएसजीलाई ४–१ को फराकिलो जित दिलाए ।

यस जितसँगै दोस्रो स्थानमा रहेको पीएसजीको ३२ खेलबाट ६६ अंक पुगेको छ । समान खेलबाटै ६९ अंक जोडेको लिल शीर्षस्थानमा रहेको छ । स्टार्सवर्ग ३६ अंक जोडेर १४औं स्थानमा रहेको छ ।

शनिबार राति नै भएको खेलमा लिलले मेट्जलाई २–० ले पराजित गर्दै आफ्नो शीर्षतालाई यथावत राखेको छ । लिलको जितमा बुराक इल्माज र मेमेट जेकी सेलिकले गोल गरे । घरेलु टोली मेट्जका आरोन लियाले पहिलो हाफमा पेनाल्टी चुकाएका थिए । त्यसपछि दोस्रो हाफमा लिलले गोल गरेका थिए ।