काठमाडौं (हाम्रो खेलकुद) – रेडबुल राष्ट्रिय फुटसल लिग अन्तर्गत बिहीबार भएका खेलमा शंखमुल फुटसलले जित हासिल गरेको छ भने अर्को खेलमा चउर फुटसल र ह्वाइट हर्स फुटसलले बराबरी खेलेका छन् ।
शंखमुल फुटसलको होममा सामाजिक फुटसललाई ७–४ गोल हरायो । शंखमुललाई जिताउन शेरबहादुर थापा मगर र म्यान अफ दी म्याच सुरज महर्जनले २-२ गोल गरे भने सञ्जोग राईले एक गोल थपे । एक गोल आत्मघाती भएको थियो । सामाजिकका सन्दिप थापाले २ गोल गरे । सुवास बानियाँ र सन्तोष तामाङले समान १ गोल गरे ।
शंखमुल फुटसलका सुरज महर्जनलाई म्यान अफ द म्याचको पुरस्कार प्रदान गर्दै आयोजक एएमए इभेन्टका पदाधिकारी
चउर फुटसल बाँसबारीमा भएको खेलमा चउरले ह्वाइट हर्स फुटसलसंग २–२ को । चउरका रमेश गुरुङ र रोचक गुरुङले गोल गरे । ह्वाइट हर्सका लागि दुवै गोल मनोज प्रजापतिले गरे । मनोज खेलको म्यान अफ दी म्याच बने ।
एएमए इभेन्टको आयोजनामा होम एन्ड अवेको आधारमा २८ मंसिरसम्म सञ्चालन भइरहेको लिगमा काठमाडौं, ललितपुर र भक्तपुरका विभिन्न १६ फुटसल टिमको सहभागिता छ ।
भोलिको खेल
रजनी फुटसलविरुद्ध ढुकु फुटसल हब
समय -१२ः३० बजे
स्थान -रजनी फुटसल, भैंसेपाटी ।
हाइवे फुटसलविरुद्ध हरिसिद्धि फुटसल
समय -३ः३० बजे
स्थान – हाइवे फुटसल जोरपाटी
