3 years ago
April 15, 2021
काठमाडौं (हाम्रो खेलकुद)– नेपाली राष्ट्रिय फुटबल टोलीका कप्तान किरण चेम्जोङले अर्को साताबाट बाट सुरु हुने खुकरी नेपाल सुपर लिग (एनएसएल) खेल्ने भएका छन् । उनले धनगढी फुटबल एफसीबाट एनएसएल खेल्ने भएका छन् । ड्रिमर्स प्रा लिगको स्वामित्वमा रहेको धनगढी एफसीले बिहीबार पत्रकार सम्मेलन गर्दै प्रशिक्षक र आइकोनिक खेलाडी घोषणा गरेको छ । धनगढीले राष्ट्रिय टोलीका […]
काठमाडौं (हाम्रो खेलकुद)– नेपाली राष्ट्रिय फुटबल टोलीका कप्तान किरण चेम्जोङले अर्को साताबाट बाट सुरु हुने खुकरी नेपाल सुपर लिग (एनएसएल) खेल्ने भएका छन् । उनले धनगढी फुटबल एफसीबाट एनएसएल खेल्ने भएका छन् ।
ड्रिमर्स प्रा लिगको स्वामित्वमा रहेको धनगढी एफसीले बिहीबार पत्रकार सम्मेलन गर्दै प्रशिक्षक र आइकोनिक खेलाडी घोषणा गरेको छ । धनगढीले राष्ट्रिय टोलीका पूर्व खेलाडी समेत रहेका युगलकिशोर राईलाई प्रशिक्षक नियुक्त गरेको छ । राई एएफसी ए लाइसेन्स प्रशिक्षक हुन् । राष्ट्रिय फुटबल टोलीका पूर्व फरवार्ड उनको प्रशिक्षणमा हालै झापा फुटबल क्लबलाई प्रशिक्षण दिएका थिए । धनगढीले यसअघि नै विशाल राईलाई मार्की खेलाडी र फुजा टोपेलाई मुख्य प्रशिक्षक नियुक्त गरेको थियो ।
सफल व्यासायिक खेलाडी किरणले राउन्डग्लास पञ्जाब एफसीबाट आई लिग खेलेका थिए । आई लिगको आफ्नो अन्तिम खेल अघि स्वदेश फर्केका किरणको नेतृत्वमा नेपालले चैत १६ गते थ्री नेसन्स कप मैत्रीपूर्ण फुटबल सिजनको उपाधि जितेको थियो । त्यसलगत्तै उनी एएफसी प्ले अफर दी विक चुनिएका थिए । उनी आई लिगमा उत्कृष्ट गोलकिपर पनि चुनिएका थिए ।
पछिल्लो ५ वर्षदेखि विदेशी लिगमा व्यस्त किरण घरेलु फुटबलमा फर्केका छन् । दशरथ रंगशालमा लामो समयपछि उनले व्यवसायिक फुटबल खेल्न लागेका हुन् । चैत ६ गते भएको अक्सनबाट धनगढीले १४ खेलाडीले खरिद गरेको थियो । वैशाख ११ गते देखि जेठ १ गते सम्म हुने एनएसएलमा धनगढीसहित ७ टोलीले प्रतिस्पर्धा गर्नेछन् ।
धनगढी एफसीको आइकोनिक खेलाडीमा अनुबन्ध भएपछि गोलरक्षक किरणले आफु ५ वर्षपछी घरेलु लिगमा फर्किन लागेको बताए । उनले लामो समयपछि घरेलु लिगमा फर्किन पाउँदा निकै खुसी लागेको र आफू उत्साहित रहेको बताए । उनले अर्को वर्षबाट एनएसएल अझै लामो र स्तरीय हुने विश्वास पनि व्यक्त गरे । किरणको आबद्धतापछि टोलीले एनएसएलमा उत्कृष्ट प्रदर्शन गर्ने विश्वास क्लबका मालिक सुवास शाहीले व्यक्त गरे ।
प्रशिक्षक राईले देशको फुटबल विकासका लागि फ्रेन्चाईज लिगको सुरुवात भएको र त्यसले आफूलाई पनि चुनौती थपिएको बताएका छन् । उनले टोलीले राम्रो फुटबल खेल्ने प्रयास गर्ने बताएका छन् । एनएसएलका सहभागी टोलीहरुले प्रशिक्षणमा जुट्नुका साथै विदेशी खेलाडी भित्राउन क्रममा रहेका छन् ।
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]