एजेन्सी – च्याम्पियन्स लिग जित्नु भनेको रियल म्याड्रिडमा प्रशिक्षकले राम्रो गरिरहेको भन्ने हुन्छ । यो क्लबकै (डिनए) अंश हो ।
रियलले हालसम्म १३ पटक च्याम्पियन्स लिगको उपाधि जितेको छ ।

पछिल्लो समय रियलले च्याम्पियन्स लिग जितेकै दाँजोमा स्पेनिस ला लिगा निकै कम जितेको छ । भनौ ला लिगा जित्न रियलले संघर्ष गर्नु परिरहेको छ । तर यसमा रियलका हालका प्रशिक्षक जिनेदिन जिदान अन्य प्रशिक्षकको तुलनामा सफल छन् ।

रियलमा सफल प्रशिक्षकको रुपमा दरिएको जिदानसामु यो सिजन उपाधि जित्ने चुनौती छ । रियलले केवल तीन सिजनमा मात्रै दुई भन्दा बढी उपाधि जितेका छन् । रियलले पहिलो पटक १९५६–५७ त्यसपछि १९७७–७८ र तेस्रोपटक सन् २०१६–१७ मा यस्तो उपलब्धि हासिल गरेको थियो । अहिले रियल जिदानको नेतृत्वमा यही उपलब्धिको संघारमा छ ।

प्रशिक्षक जिदानले रियलको इतिहासमा आफ्नो नाम अझै उँचो पार्न सक्नेछन् । दुवै ट्रफी (च्याम्पियन्स लिग र स्पेनिस लिग) जितेर । रियलले च्याम्पियन्स लिगमा सेमिफाइनलको यात्रा तय गरिसकेको छ । ला लिगाको उपाधि होडमा पनि डटेर लागिरहेको छ ।

चारपटक च्याम्पियन्स लिग जित्ने प्रशिक्षक

रियललाई १४ पटकको च्याम्पियन्स लिगको च्याम्पियन बन्न अब सेमिफाइनल र फाइनलमा जितको खाँचो छ । यो सिजनको च्याम्पियन्स लिगको उपाधि जिते जिदान चौथोपटक च्याम्पियन्स लिग जित्ने एक्लो प्रशिक्षक बन्नेछन् । रियलले च्याम्पियन्स लिगको सेमिफाइनलमा अघिल्लो वर्ष च्याम्पियन्स लिगको फाइनल खेलेका प्रशिक्षक थोमस टुचेलले प्रशिक्षणमा रहेको इंग्लिस क्लब चेल्सीको सामना गर्नेछ ।

ला लिगा उपाधि रक्षा

ला लिगाको उपाधि रक्षा गर्न रियलको लागि निकै चुनौतीको विषय हो । गत वर्षको च्याम्पियन रियल दोस्रो स्थानमा रहेको छ । ला लिगामा ८ चरणको खेल बाँकी रहँदा रियल शीर्षस्थानको एट्लेटिको म्याड्रिडभन्दा १ अंकले पछि छ । रियलको ६६ तथा एट्लेटिकोको ६७ अंक छ ।

सन् २००८ मा बर्न्ड शुस्टर प्रशिक्षक रहँदा रियलले ला लिगाको उपाधि रक्षा गरेको थियो । यो याद राख्न जरुरी छ । जोसे मौरिन्हो, कार्लाे एन्सेलोटी र जिनेदिन जिदानले ला लिगाको उपाधि जितेको अर्काे सिजन खराब प्रदर्शन गरेका थिए ।