एजेन्सी – इंग्लिस क्लब टोटेनहम हट्स्परले आफ्ना मुख्य प्रशिक्षक जोसे मौरिन्होलाई बर्खास्त गरेको छ । स्पर्सले पछिल्लो समय एभर्टनसँग २–२ गोलको बराबरी खेलेको थियो ।

प्रिमियर लिगमा ६ चरणको खेल बाँकी रहँदा टोटेनहम सातौ स्थानमा रहेको छ । टोटेनहम शीर्ष चारको वेस्टह्याम युनाइटेडभन्दा ५ अंकले पछि छ । वेस्ट ह्यामको ५५ तथा सातौ स्थानमा रहेको टोटेनहमको ५० अंक छ ।

लिगमा उच्च प्रदर्शन गर्न नसकेपछि टोटेनहमले मौरिन्होलाई बर्खास्ती गर्ने निर्णयमा पुगेको हो । ५८ वर्षीय मौरिन्हो २० नोभेम्वर २०१९ मा टोटेनहमको मुख्य प्रशिक्षक बनेका थिए । उनी १९ अप्रिल २०२१ मा क्लबमा रहे । उनको प्रशिक्षणमा टोटेनहमले ८६ खेल खेल्दा ४४ जित, १९ बराबर र २३ हारको सामना गरेको छ । उनले टोटेनहमबाट कुनै उपाधि जित्न सकेनन् ।

टोटेनहम आउनुअघि उनी एक सिजन खाली रहेका थिए । त्यसअघि उनी २०१६ देखि २०१८ सम्मा अर्काे इंग्लिस क्लब म्यानचेस्टर युनाइटेडको प्रशिक्षक रहेका थिए । क्लबले सोमबार विज्ञप्ती जारी गर्दै माउरिन्हो उनका प्रशिक्षण टोलकिा सदस्य जोओ साक्रामेन्टो, तुनो सान्तोष, कार्लोस लालित र गाभानी केरार्लाइ जिम्मेवारीबाट अलग गरेको जनाएको छ ।

क्लबका अध्यक्ष डानिल लेभीले माउरिन्हो र उनको टोली क्लबको चुनौतीपूर्ण समयमा साथमा रहेको उल्लेख गरेका छन् । उनले प्रशिक्षण टोलीको योगदानका लागि धन्यवाद पनि दिएका छन् ।