ओजेम्सको आगमनसंगै नेपालको खेलशैली परिवर्तन हुनसक्ने

भारतविरुद्ध नेपालको खेल हेर्न स्वयं पुणे पुगेका प्याट्रिकले खेलपश्चात नेपालको खेलशैली नेपाली खेलाडीले अवलम्बन गर्न नसक्ने विश्लेषण गरेको बताएका थिए| लामो पास खेलेर अट्याक गर्न खोजेपनि शारिरिक रुपमा विपक्षीभन्दा कमजोर नेपाल भारतसंगको खेलमा फिका देखियो| छोटो र सटिक पास खेल्न सक्ने मिडफिल्ड र सोहि बमोजिम शारिरक रुपमा होचा खेलाडीभएको नेपालले नयाँ प्रशिक्षकको आगमनसंगै नयी रणनिति लिएर खेल्ने विश्वास लिइएको छ|

तिन दिने प्रशिक्षणको समापनसंगै प्याट्रीकको सोच केहिहदसम्म बुझ्न सकिने भएको छ| बललाई आफुसंगै राख्ने र छोटो पास खेल्ने प्रशिक्षण ड्रिलहरुमा धेरै समय दिएको अनुभुति खेलाडीहरुले पनि गरे| यससंगै विगं प्लेमा आउने क्रसहरु पनि हावामा मात्र नभएर ग्राउण्ड क्रस र त्यसै प्लेमा मिडफिल्ड सपोर्टको पनि उनले अभ्यास गराए| फिजिकल र टेक्निकल दुवै क्षेत्रमा नयाँ किसिमको प्रशिक्षण शैली अपनाएकाले खेलाडीहरुलाई पनि केहि गाह्रो भएको देखिन्थ्यो| खेलाडीसंग बिताएको तेश्रो दिनमै लगभग सबैलाई नामनै लिएर बताउन सक्ने भएका प्रशिक्षकले पोजिसन अनुसार खेलशैली परिवर्तन पनि गर्न सक्ने संकेत दिएका छन्|

छोटो समयमानै यस रणनितिसंग रिझ्न खेलाडीलाई समय लाग्न सक्छ, तर यो तिन दिनको प्रशिक्षणले प्रशिक्षकलाई आफुलाई चाहिने प्रकारका खेलाडी राष्ट्रिय लिगमा भेट्न भने अवश्य सहयोग पुग्नेछ|