लन्डन (एजेन्सी)– साउथह्यामटनसँग १–१ को बराबरीमा रोकिएपनि म्यानचेस्टर सिटी प्रिमियर लिगको शीर्षस्थानमा उक्लेको छ । पहिलो हाफमा पछि परेपनि सिटीले खेललाई बराबरी गर्न सफल भएको थियो ।
नाथन रेडमुले २७ औं मिनेटमा गोल गरेपछि साउथह्यामटनले अग्रता लिएको थियो । तर, दोस्रो हाफमा किलिची इहेन्चोले गोल फर्काएपछि सिटीको हार टरेको छ । अघिल्लो दिन आर्सनल र टोटेनह्यामले भने अलग अलग खेलमा गोलरहित बराबरी खेलेका थिए । ९ खेलपछि शीर्ष ३ टोलीको समान २० अंक भएपनि गोलअन्तरका आधारमा सिटी शीर्षस्थानमा, आर्सनल दोस्रो र लिभरपुल तेस्रो स्थानमा छन् । चौथो टोटेनह्यामको १९ अंक छ ।
