लन्डन (एन्जेसी)– चेल्सीले प्रिमियर लिगमा आइतबार चिर प्रतिद्वन्द्वि म्यानचेस्टर युनाइटेडलाई ४–० ले हराएको छ । म्यानचेस्टर सिटीले साउथह्याटनसँग १–१ को बराबरी खेलेको केही घन्टापछि सहरी टोली युनाइटेडले लज्जास्पद हार बेहोरेको छ ।
पेद्रोले खेल सुरु भएको पहिलो मिनेटमै गोल गरेको खेलको २१ औं मिनेटमा ग्यारी काहिलले दोस्रो गोल गरेका थिए । दोस्रो हाफमा चेल्सीले अर्को दुई गोल थपेको थियो । इडेन हार्जाडले ६२ औं र एनगोलो कान्टले ७० औं मिनेटमा गोल थपेका थिए । जितपछि टोटेनह्यामलाई पछि पार्दै चेल्सी चौथो स्थानमा उक्लेको छ । दुवैको समान १९ अंक भएपछि गोलअन्तरमा चेल्सी अघि रहेको छ । ९ खेलपछि समान २० अंक भएपनि गोलअन्तरमा सिटी शीर्षस्थान, आर्सनल दोस्रो र लिभरपुल तेस्रो स्थानमा रहेको छ । १४ अंकका साथ युनाइटेड सातौं स्थानमा छ ।
