3 years ago
May 17, 2021
एजेन्सी – चोटबाट भर्खरै पूनरागमन गरेका स्पेनिस क्लब रियल म्याड्रिडका फरवार्ड इडेन हाजार्डलाई समेट्दै बेल्जियमले युरोकपको लागि २६ सदस्यीय टोलीको घोषणा गरेको छ । सन् २०१९ मा ८६ मिलियन पाउन्डमा म्याड्रिड पुगेदेखि नै हाजार्डले चोट बोक्न पुग्दा लामो समय मैदान बाहिर रहेका थिए । हजार्डले यो सिजन रियलका लागि २१ खेल खेलेका छन् । उनले […]
एजेन्सी – चोटबाट भर्खरै पूनरागमन गरेका स्पेनिस क्लब रियल म्याड्रिडका फरवार्ड इडेन हाजार्डलाई समेट्दै बेल्जियमले युरोकपको लागि २६ सदस्यीय टोलीको घोषणा गरेको छ ।
सन् २०१९ मा ८६ मिलियन पाउन्डमा म्याड्रिड पुगेदेखि नै हाजार्डले चोट बोक्न पुग्दा लामो समय मैदान बाहिर रहेका थिए । हजार्डले यो सिजन रियलका लागि २१ खेल खेलेका छन् । उनले चार गोल र एक असिस्ट दिएका छन् । प्रशिक्षक रोबर्टाे मार्टिनेजले भर्खरै पूनरागमन गरेका भएपनि हाजार्डलाई टोलीमा समेटेका हुन् ।
युरोपियन फुटबल महासंघले कोभिडका कारण टोलीमा २६ खेलाडी राख्न पाउने अधिकार दिएपछि बेल्जियमले त्यसको सदुपयोग गर्दै टोली छनोट गरेको हो । रियल म्याड्रिडका गोलरक्षक थिवाउट कोर्टुवासँगै लिभरपुलका पूर्व गोलरक्षक सिमोन मिग्नोलेटले पनि टोलीमा स्थान बनाएका छन् ।
प्रिमियर लिगमा लेस्टर सिटीबाट यो सिजन उच्च प्रदर्शन गरिरहेका टिमोथी कास्टाग्ने, युरी टिलेमान्स, डेनिस प्राएट र म्यानचेस्टर सिटीका मिडफिल्डर केभिन डि ब्रुयन पनि टोलीमा रहेका छन् । टोटेनहमका पूर्व डिफेन्डर जान भर्टोन्घन पनि टोलीमा छन् ।
यस्तै प्रशिक्षक मार्टिनेजले बेल्जियमको सर्वाधिक गोलकर्ता इटालियन च्याम्पियन इन्टर मिलानका फरवार्ड रोमेलु लुकाकु, नेपोलीका ड्रिएस मेर्टिन्स र जर्मन क्लब बोरुसिया डर्टमुन्डमा खेलिरहेका इडेन हाजार्डका आफ्नै भाई थोर्गन हाजार्डलाई पनि टोलीमा समेटेका छन् ।
युरोकप अर्काे महिनाबाट सुरु हुँदैछ । युरोकप युरोपका विभिन्न ११ शहरमा ११ जुनदेखि ११ जुलाईसम्म हुनेछ । बेल्जियम समुह ‘बी’ मा रहेको छ । यो समुहमा बेल्जियमसँगै डेनमार्क, फिनल्याण्ड र रसिया रहेका छन ।
बेल्जियम टोली
गोलरक्षक – थिवाउट कोर्टुवा, सिमोन मिग्नोलेट र माट्ज सेल्स
डिफेन्डर – टोवी एल्डरवेइरिल्ड, डेडरक बोयाटा, जासोन डिनायर, थोमस भर्मालेन र जान भर्टाेन्घन
मिडफिल्डर – यान्निक कारास्को, टिमोथी कास्टाग्ने, मासिर चाड्ली, थोर्गन हाजार्ड, थोमस म्युनिएर, केभिन डि ब्रुयन, लिएन्डर डेन्डनकर, डेनिस प्राएट, युरी टिलेमान्स, हान्स भानाकेन र एक्सेल विस्टेल
फरवार्ड – जेरेमी डोकु, इडेन हाजार्ड, ड्रिएस मर्टेन्स, लियान्द्रो ट्रोससार्ड, मिचेल बात्सुयाई, क्रिस्टियन बेन्टेके र रोमेलु लुकाकु
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
