एजेन्सी – अर्काे सातादेखि शुरु हुने युरोपेली च्याम्पियन्ससिपका लागि इंग्ल्याण्डका प्रशिक्षक ग्यारेथ साउथगेटले डिफेन्डर ट्रेन्ट एलेक्सान्डर अर्नोल्डको स्थानमा बेन ह्वाइटलाई टिममा समावेश गरेका छन् ।

युरोपियन च्याम्पियनसिपका लागि घोषित २६ सदस्यीय टोलीमा स्थान बनाएका अर्नोल्डले अष्ट्रियाविरुद्धको मैत्रीपुर्ण खेलमा चोट बोकेपछि टोलीबाट बाहिरिएको थियो । अर्नाेल्ड टोलीबाट बाहिरिएपछि प्रशिक्षक साउथगेटले उनको स्थानमा लोनमा लिड्स युनाइटेडबाट खेलिरहेका २३ वर्षीया बिन ह्वाइटलाई टोलीमा समावेश गरेको हो । बिन ह्वाइट प्रशिक्षक साउथगेटले घोषणा गरेको ३३ सदस्यीय टोलीमा रहेका थिए ।

प्रारम्भिक सुचीमा परेपनि अन्तिम टोलीमा नपरेका उनले अष्ट्रियाविरुद्ध १–० को जित निकालेको खेलबाट सिनियर टोलीमा डेब्यु गरेका थिए । उनी ७१औं मिनेटमा ज्याक ग्रेयालिसको स्थानमा मैदान प्रवेश गरेका थिए । बिन ह्वाइटले रोमानियाविरुद्ध १–० को जित निकालेको खेलमा पुरै ९० मिनेट मैदानमा बिताएका थिए ।

बिन ह्वाइटकोले टोलीमा स्थान बनाएसँगै जेसे लिंगार्ड, जेम्स वार्ड, ओली वाटकिन्स, आरोना राम्सडेल र बेन गुडफ्रे बाहिरिएका छन् । युरोकपमा समूह ‘डी’ मा रहेको इंग्ल्यान्डले १३ जुनमा क्रोएसिया, १९ जुनमा स्कटल्यान्ड र २३ जुनमा चेक रिपब्लिकसँग प्रतिस्पर्धा गर्नेछ ।