चितवन (हाम्रो खेलकुद) – दाजुभाई गोल गरेको खेलमा नेपाल आर्मी चितवनमा जारी विकास रनिङ शिल्ड फुटबल प्रतियोगिताको फाइनलमा पुगेको छ ।
राजु तामाङ र उनका भाई सन्तोषले गोल गरेपछि आर्मी मोरङ फुटबल क्लबलाई २–० ले हराउँदै उपाधि नजिक पुगेको हो । ६६ औं मिनेटमा सन्तोषको गोलबाट अग्रता लिएको आर्मीका लागि राजुले त्यसको एक मिनेट पछि नै गोल गरेका थिए ।
सन्तोष खेलका म्यान अफ दी म्याच घोषित भए र उनले १० हजार रुपैयाँ प्राप्त गरे । आर्मीले अब लक्ष्मी हुन्डाई मनाङ मस्र्याङ्दी र सिएमजी क्लब संकटाबीचको विजेतासँग फाइनल खेल्नेछ । मनाङ र संकटाबीच आज सेमिफाइनल हुनेछ । विकास रनिङको विजेताले उपाधिसहित ३ लाख रुपैयाँ जित्नेछ ।
