एजेन्सी – युरोपेली च्याम्पियनसिपको तेस्रो दिन आज (आइतबार) समूह चरणको विभिन्न तीन खेलमा प्रतिस्पर्धा हुँदैछ । समूह ‘डी’ मा इंग्ल्यान्ड र क्रोएसियाले प्रतिस्पर्धा समूह ‘सी’ तर्फ अष्ट्रिया र नर्थ म्यासेडोनिया तथा नेदरल्यान्ड्स र युक्रेनबीच आज राति नै प्रतिस्पर्धा हुँदैछ ।

इंग्ल्यान्ड र क्रोएसियाबीचको खेल वेम्वली स्टेडियम लन्डनमा नेपाली समयअनुसार साँझ ६:४५ बजे हुनेछ । दुवै टोली जित निकाल्दै युरोकपमा सुखद नतिजा निकाल्ने लक्ष्यमा हुनेछ । स्टार र युवा खेलाडीले भरिएको उपाधि दावेदार इंग्ल्यान्ड घरेलु मैदानमा क्रोएसियालाई हराउँदै मैदानमा उत्रनेछ । टोलीसँग कप्तान ह्यारी केनसँगै मासन माउन्ट, फिल फोडेन, रहिम स्टर्लिङ, डिक्लन राइस, काल्भिन फिलिप्स, बेन चिलवेल, टेरन मिङ्स, जोन स्टोन्स, केल वाल्कर र जोर्डन पिकफोर्ड रहेका छन् ।

यस्तै डिन हेन्डरसन, बिन ह्वाइट, जोर्डन हेन्डरसन, जुड बेलिङघम, ज्याक ग्रेयालिस, मार्कुस रासफोर्ड, डोमिनिक काल्भर्ट लेविन, जेडान सान्चो र बुकायो साकाजस्ता नाम चलेका खेलाडी टोलीमा रहेका छन् । गत नोभेम्वरमा बेल्जियमसँग २–० ले पराजित भएयता लगातार ६ जित निकालेको इंग्ल्यान्ड क्रोएसियाविरुद्ध पनि सोही जितको यात्रालाई निरन्तरता दिने लक्ष्यमा हुनेछ ।

यता, विश्वकपको उपविजेता क्रोएसिया पनि इंग्ल्यान्डलाई हराउँदै सुखद नतिजा निकाल्ने दाउमा हुनेछ । २०१८ को विश्वकपमा अप्रत्यासित रुपमा फाइनलमा स्थान बनाएको क्रोएसिया सोही प्रदर्शनलाई युरोकपमा पनि निरन्तरता दिने लक्ष्यमा हुनेछ । तर, टोलीको पछिल्लो प्रदर्शन राम्रो रहन सकेको छैन । क्रोएसियाले युरोकपअघिको तयारी खेलमा अर्मेनियासँग बराबरीमा रोकिदा जर्मनीलाई १–० ले नतिजा सुम्पिएको थियो । क्रोएसिया इंग्ल्यान्डलाई हराउँदै जितको लयमा फर्कन चाहन्छ ।

टोलीमा कप्तान लुका मोड्रिच, एन्टी रेविच, एन्डरेज क्रामारिक, निकोला भ्लासिक, मारियो पासालिस, माटियो कोभासिस, मार्सेलो ब्रोजोभिक, इभान पेरिसिस, डोमागोज ब्राडारिच, डोमागोज भिडा, जोस्को जिभार्डीओल, डुजे कालेटा कार, सिमे भर्सलज्को र गोलरक्षक डोमिनिक लिभाकोभिकको साथ रहेको छ ।

यि दुई टोलीको पछिल्लो तीन भेटमा समान एक जित, बराबरी र हारको नतिजा छ । २०१८ को विश्वकपको सेमिफाइनलमा क्रोएसियाले अतिरिक्त समयमा २–१ को जित निकाल्दा त्यसपछि नेसन्स लिगमा गोलरहित बराबरी हुदा नेसन्स लिगमै इंग्ल्यान्डले २–१ को जित निकालेको थियो ।

प्लेयर्स टु वाच

ह्यारी केन (इंग्ल्यान्ड)

स्वभाविक नै छ, यसपटक इंग्ल्यान्डको २७ वर्षीय कप्तानी ह्यारी केनले नै सम्हाल्ने छ । प्रशिक्षक ग्यारेथ साउथगेटले के कस्तो रणनीति अपनाउने हो, खुलस्त छैन । तर उनले क्रोएसिया जस्तो बलियो टोलीसँग आफ्नो कप्तानलाई सुरुवाती रोजाईमा उतार्नेछ । टोटेनहमका उनी फिनिसिङमा चुस्त छन् । गत सिजनको टोटेनहमका लागि ३३ गोल गरेर पनि आफुलाई प्रमाणित गरेका छन् । निकै लयमा रहेका केन नै क्रोएसियाविरुद्ध मुख्य खेलाडी हुनेछन् ।

लुका मोड्रिच (क्रोएसिया)

प्लेमेकर लुका मोड्रिच अहिले ३५ वर्षका भए । यो उमेरमा पनि विपक्षीलाई समस्या उत्पन्न गराउन अझै पनि सक्षम छन् । ‘लुका फरक विशेष खेलाडी हुन् । उनी विश्व फुटबलको उत्कृष्ट मध्यपंक्तिका खेलाडी भन्दा केही फरक हुनेछैन । मोड्रिचले आफ्नो देश र क्लबका लागि सबथोक दिएका छन् । यि रियल म्याड्रिडका मिडफिल्डर फेरि एकपटक इंग्ल्यान्डलाई दुःख दिदै २०१८ को खेललाई दोहो¥याउने लक्ष्यमा हुनेछ ।