3 years ago
June 30, 2021
काठमाडौं (हाम्रो खेलकुद)– सातदोबाटो युथ क्लबले सहिद स्मारक ए डिभिजन लिगको तयारी सुरु गरेको छ । गत फागुनमा मात्रै ए डिभिजनमा बढुवा भएको सातदोबाटोले आउने लिगका लागि पहिलो खेलाडीका रुपमा नाइजेरियन डिफेन्डर पिटर सेगुनलाई अनुबन्धन गरेको छ । लामो समयदेखि घरेलु फुटबल खेलिरहेका सेगुनले पछिल्लोपटक ए डिभिजन लिग च्याम्पियन मछिन्द्र क्लबबाट खेलेका थिए । देशका […]
काठमाडौं (हाम्रो खेलकुद)– सातदोबाटो युथ क्लबले सहिद स्मारक ए डिभिजन लिगको तयारी सुरु गरेको छ । गत फागुनमा मात्रै ए डिभिजनमा बढुवा भएको सातदोबाटोले आउने लिगका लागि पहिलो खेलाडीका रुपमा नाइजेरियन डिफेन्डर पिटर सेगुनलाई अनुबन्धन गरेको छ ।
लामो समयदेखि घरेलु फुटबल खेलिरहेका सेगुनले पछिल्लोपटक ए डिभिजन लिग च्याम्पियन मछिन्द्र क्लबबाट खेलेका थिए । देशका चर्चित क्लब मनाङ मर्स्याङ्दी क्लब र थ्री स्टारबाट समेत खेलिसकेका सेन्ट्रल डिफेन्डर सेगुनले जेठमा सम्पन्न पहिलो फ्रेन्चाईज फुटबल नेपाल सुपर लिग (एनएसएल) ललितपुर सिटी एफसीमा आबद्ध थिए ।
सातोदाबाटोले सोमबार उनलाई ९ महिनाका लागि अनुबन्धन गरेको जनाउँदै क्लबका अध्यक्ष कपिल रानामगरले अन्य केहि खेलाडीसँग अर्को साता सम्झौता गरिने बताए । ‘गत वर्ष बी डिभिजन लिग च्याम्पियन हुँदाका ९/१० खेलाडी, केहि राष्ट्रिय खेलाडी र अन्य दुई विदेशी खेलाडीसँग सम्झौता गर्ने गरि छलफल चलाई रहेका छौं,’ रानमगरले भने, ‘अर्को साता सम्ममा धेरै टुंगो लगाइसक्ने तयारीमा छौं । हामीले २५ जना सम्म खेलाडी लिने योजना बनाएका छौं ।’
क्लबले आन्तरिक सम्झौता गरेपनि अखिल नेपाल फुटबल संघ (एन्फा) मा खेलाडी दर्ता भने खुलिसकेको छैन । टोलीले असोज ३ गतेबाट सुरु हुने लिगका लागि साउन २ गतेबाट प्रशिक्षण सुरु गर्ने तयारी गरेको अध्यक्ष रानामगरले बताए । टोलीमा नयाँ प्रशिक्षक आबद्ध गराउने विषयमा पनि छलफल अन्तिम चरणमा रहेको उल्लेख गर्दै उनले थपे, ‘केहि दिनमा प्रशिक्षकको पनि टुंगो लागाउनेछौं ।’ क्लबलाई ए डिभिजनमा बढुवा गराउँदाका प्रशिक्षक सनोज श्रेष्ठ भने अर्को ए डिभिजन टोली ब्रिगेड ब्वाइज क्लबमा आबद्ध छन् ।
लिगका लागि झन्डै डेढ करोड खर्च हुने क्लबले अनुमान गरेको छ । सातदोबाटोमा आफ्नै ४ तले भवन रहेको क्लबले त्यसको भाडाबाट झन्डै ११ लाख रुपैयाँ आम्दानी गर्छ । क्लबको भाडा, एन्फाले दिने तयारी खर्च, नगरपालिका र वडाबाट आउने सहयोग नै क्लबको खर्चको मुख्य श्रोत हो ।
खेलाडीको पारिश्रमिकमा मात्रै करोड भन्दा बढी, प्रशिक्षण र अन्य व्यवस्थापन गरेर डेढ करोड रुपैयाँ आसपास खर्च हुने क्लबको अनुमान छ । विगतमा जस्तै लगनखेलस्थित बुद्धि विकास मण्डलमा प्रशिक्षण गर्ने गरि छलफल अघि बढेको अध्यक्ष रानामगरले बताए । शीर्ष ३ भित्र पर्ने लक्ष्य सहित तयारी थाल्न लागेको जनाउँदै अध्यक्ष रानामगरले भने, ‘त्यो नसक्दा शीर्ष ६ भित्र रहने गरिने लिग टुंगाउने योजना छ ।’
२०५७ सालमा स्थापना भएको सातदोबाटो छनोट पार गरेर २०५९ सालमा ए डिभिजन लिगमा पुगेको थियो । २०६८ सालदेखि ‘बी’ डिभिजन लिग खेल्न थालेको टोली यसअघि दुई पटक ए डिभिजन लिगको नजिक पुगेर पनि असफल भएको थियो । दुई सिजनअघि निर्णायक खेलमा एनआरटीविरुद्ध जित निकाल्न नसकेपछि सातदोबाटो ‘ए’ डिभिजनमा पुग्नबाट बञ्चित भएको छ । पछिल्लो पटक बढुवा भएको एक वर्ष नै नपुग्दै सातदोबाटो ए डिभिजनको तयारीमा जुटेको छ ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]