लन्डन (एजेन्सी)– म्यानचेस्टर सिटीले च्याम्पिन्स लिगमा बार्सिलोनालाई ३–१ ले हराउँदै नकआउट चरण पुग्ने सम्भावनालाई बलियो बनाएको छ । अघिल्लो खेलमा ४–० ले हराएको सिटीले यसपटक घरेलु मैदानमा १–० ले पछि पर्नाका बावजुद नतिजा उल्टाएको थियो ।

इके गुन्डोगनको २ गोलमा सिटीले जित हासिल गरेको थियो । समूह चरणमा अन्तिम दुई खेल बाँकी रहँदा समूह सीमा बार्सिलोना ९ अंकसहित शीर्षस्थानमा छ भने सिटीको ७ अंक छ । त्यस्तै बोरुसिया मोन्चेनग्लाडवाचको ४ र सेल्टिकको २ अंक छ । मोन्चेनग्लाडवाच र सेल्टिकले १ –१ को बराबरी खेले ।

बुधबार बिहान भएका अन्य खेलमा प्रिमियर लिगको अर्को टोली आर्सनलले समूह एमा लुडोगोरेट्स राजगार्डलाई ३–२ ले हरायो । सोही समूहमा पेरिस सेन्ट जर्मेन (पिएसजी) ले बासेललाई २–१ ले निराश पार्यो । त्यो समूहमा समान १० अंक जोडेका आर्सनल र पिएसजी अघि बढ्ने लगभग निश्चित छ । बाँकी दुई टोलीको समान १ अंक छ ।
समूह बीमा बेसिकटास र नेपोलीले १ –१ को बराबरी खेले भने बेनफिकाले डाइनोमो किभलाई १¬० ले पराजित गर्यो । नेपाली र बेनफिकाको समान ७ अंक र बेसिटासको ६ अंक र डाइनोमोको १ अंक छ ।
समूह डीमा एट्लेटिको मड्रिड र जर्मन टोली बार्यन म्युनिख विजयी भए । एट्लेटिकोले एफसी रोस्तोभलाई र बायर्नले पिएसभी आइन्डहोभनलाई समान २–१ ले हरायो । १२ अंकसहित एट्लेटिको शीर्षस्थानमा छ भने बार्यनको ९ अंक छ । बाँकी दुई टोलीको समान १ अंक छ । समूह चरणमा चौथो खेलको नतिजापछि आर्सनल, बायर्न र एट्लेटिको नकआउटचरणमा पुगेका छन् ।
लियोन मेसीको गोलबाट अग्रता लिनका वावजुद बार्सिलोना पराजित भएको थियो । मेसीले २१ मिनेटमा गोल गरे । तर गन्डोगनले ३९ ओं मिनेटमा बराबरी गोल फर्काए । केभिन डी ब्रुनेले ५१ औं मिनेटमा गोल गरे भने गुन्डोगनले ७४ औं मिनेटमा अर्को गोल थप्दै सिटीको जित पक्का गरे ।
खेल सकिन दुई मिनेट बाँकी रहँदा मेसुट ओजिलले गोल गरेपछि आर्सनल विजयी भएको थियो । २–० ले पछि परेर पनि आर्सनल अवे खेल जित्न सफल भएको थियो । जोनाथन काफु र क्लाउडियुउ केकेरुको गोलमा राजगार्डले १५ मिनेटमै २–० को अग्रता लिएको थियो । तर पहिलो हाफमै ग्रानिटक झाका र ओलिभर जिर्राउडले गोल फर्काउँदै खेललाई बराबरीमा ल्याएका थिए । अन्तिम मिनेटमा थोमस मिउनियरको गोलमा पिएसजी विजयी भएको थियो । ब्वाइसी माटुडीको गोलमा पिएसजीले ४१ औ मिनेटमा अग्रता लिएको थियो भने बासेलका लाििग लुका जुफिले ७६ औं मिनेटमा बराबरी गोल गरेका थिए । अर्को खेलमा इडुराडो सोल्भियोको पेनाल्टी गोलमा बेनफिका विजयी भएको थियो ।

पेनाल्टीमा बराबरी गोल फर्काएका रोर्बेट लेवान्डोवेस्कीले विजयी गोल पनि गरेका थिए । १४ औं मिनेटमा सान्टियगो अरियसको गोलबाट पिएसभीले अग्रता लिएको थियो । ३४ औं मिनेटमा लेवान्डोवेस्कले पेनाल्टीमा र ७४ औं मिनेटमा अर्को गोल गरेका थिए । अन्तिम मिनेटमा एन्टिोनी ग्रिजम्यानको गोल गर्दै एट्लेटिकोलाई जित दिलाए । पहिलो गोल पनि ग्रिजम्यानले २९ मिनेटमा गरेपनि रास्तोफका सेरडार अजमोउनले बराबरी गोल गरेका थिए ।