3 years ago
August 6, 2021
एजेन्सी – फ्रान्सेली क्लब पेरिस सेन्ट जर्मेन (पिएसजी) ले अर्जेन्टिनी फरवार्ड लिओनेल मेस्सीलाई अनुबन्ध गर्न आन्तरिक तयारी थालेको छ । क्लबले अर्का फरवार्ड किलियन एमबाप्पेलाई समेत क्लबमा नै राख्ने हिसाबले मेस्सीलाई अनुबन्ध गर्ने बुझिएको छ । बार्सिलोनाले मेस्सीलाई नयाँ सम्झौता दिन सम्भव नभएपछि मेस्सीका एजेन्ट तथा पिता जोर्गे मेस्सीले पिएसजीसँग सम्पर्क गरेका थिए । पिएसजीले […]
एजेन्सी – फ्रान्सेली क्लब पेरिस सेन्ट जर्मेन (पिएसजी) ले अर्जेन्टिनी फरवार्ड लिओनेल मेस्सीलाई अनुबन्ध गर्न आन्तरिक तयारी थालेको छ । क्लबले अर्का फरवार्ड किलियन एमबाप्पेलाई समेत क्लबमा नै राख्ने हिसाबले मेस्सीलाई अनुबन्ध गर्ने बुझिएको छ ।
बार्सिलोनाले मेस्सीलाई नयाँ सम्झौता दिन सम्भव नभएपछि मेस्सीका एजेन्ट तथा पिता जोर्गे मेस्सीले पिएसजीसँग सम्पर्क गरेका थिए । पिएसजीले यसअघि नै जुनमा सम्झौताबाट मुक्त भएपछि मेस्सीलाई सम्पर्क गरेकोमा यसपटक पनि सकारात्मक जवाफ दिएको हो । अब दुवै पक्षले आन्तरिक रुपमा सम्झौताबारे गृहकार्य सुरु गरेका छन् ।
पिएसजीसँगै इंग्लिस क्लब चेल्सी र म्यानचेस्टर सिटीले पनि मेस्सीलाई अनुबन्ध गर्न इच्छा जाहेर गरेका थिए । तर पिएसजीले लामो समयदेखि मेस्सीबारे चासो राख्दै अनुबन्धको प्रयास गरेको थियो । पिएसजीले विगत केहि वर्षयता च्याम्पियन्स लिग जित्ने लक्ष्यसहित टोली तयार गर्दै आएको छ । तर फाइनलसम्म पुगेर पनि क्लब सफल हुन सकेको छैन ।
मेस्सीले पिएसजी जानेबारे छलफल गर्न विहीबार नै प्रशिक्षक माउरिसियो पोचेटिनोसँग कुराकानी गरेका छन् । बार्सिलोना जस्तै पिएसजी पनि अहिले ऋणमा छ । तर पिएसजीले खेलाडी बेचेर आफ्नो आर्थिक अवस्था सुदृढ पार्न सक्छ । मेस्सी आउनेभएसँगै क्लबले अब मौरी इकार्डी, एन्जल डी मारिया, लगायत केहि ठूला नामका खेलाडीलाई बेच्ने सम्भावना छ ।
April 28, 2024
काठमाडौं (हाम्रो खेलकुद) – महिला लिग छनोट लिगको शीर्ष टोली कोशी प्रदेश बराबरीमा रोकिएको छ । अघिल्ला ४ खेलमा शत प्रतिशत जित निकालेको कोशीलाई आइतबारको दोस्रो खेलमा मधेश प्रदेशले गोलरहित बराबरीमा रोकेको हो । ५ खेलपछि ४ जित र १ बराबरका १३ अंकसहित शीर्षस्थानमा यथावत छ । समान खेलमा ७ अंकसहित मधेश चौथो स्थानमा छ […]
April 28, 2024
एजेन्सी – शीर्षस्थानको आर्सनलले इंग्लिस प्रिमियर लिगमा विजय यात्रालाई जारी राखेको छ । आर्सनलले आइतबार भएको खेलमा शीर्ष पाँचको टोटनहमलाई ३–२ ले हराएको छ । खेलमा ३–० ले पछि परेरपनि टोटेनहम २ गोल फर्काउन सफल भएको थियो । यद्दपी टोली राबरी गर्न भने असफल रह्यो । आर्सनलको जितमा बुकायो साका, काइ हार्भेट्जले गोल गरे । […]
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]