4 years ago
August 14, 2021
एजेन्सी – इंग्लिस प्रिमियर लिग अन्तर्गत शुक्रबार भएको सिजन २०२१-२२ को पहिलो खेलमा आर्सनल प्रिमियर लिगमा डेब्यु गरिरहेको ब्रेन्टफर्डसँग पराजित भएको छ ।
ब्रेन्टफर्डले घरेलु मैदानमा भएको खेलमा दुवै हाफमा गोल गर्दै २-० को जित दर्ता गर्यो । पहिलो हाफमा ब्रेन्टफर्डले एकपक्षीय रुपमा दबाब कायम गरेको थियो । दोस्रो हाफमा केहि सुधारिएको प्रदर्शन गरेपनि आर्सनलले पहिलो खेलको हार टार्न सकेन । ब्रेन्टफर्ड भने प्रिमियर लिगको पहिलो खेलमा यादगार जित दर्ता गर्न सफल रहयो ।
खेलको २२ औं मिनेटमा सर्जी कानोसले गोल गर्दै टोलीलाई सुरुवाती अग्रता दिलाएका थिए । आर्सनलको डिफेन्सले बल राम्रोसँग क्लिअर गर्न नसक्दा आएको काउन्टर अट्याकमा ब्रेन्टफर्ड गोल गर्न सफल भएको थियो । कानोसले पेनाल्टी क्षेत्रभित्र क्यालम च्याम्बर्सको चुनौती पार गर्दै गरेको प्रहार गोलरक्षक बर्न्ड लेनोले बचाउन सकेनन् ।
दोस्रो हाफको ७३ औं मिनेटमा क्रिस्टियन नोर्गार्डले गोल गर्दै नव प्रवेशी क्लबको अग्रता दोब्बर पारे । लामो थ्रो इनमा आएको बललाई आर्सनलको डिफेन्सले ६ यार्ड बक्स भित्रबाट क्लियर गर्न नसक्दा फार पोस्टमा आएका नोर्गार्डले हेडरमार्फत गोल गरेका थिए ।
ब्रेन्टफर्डले प्रिमियर लिगको ५० औं क्लब बनेसँगै डेब्यु खेलमा ३ अंक जोडेको छ । कोरोना संक्रमणपछि पहिलो पटक पूर्ण क्षमतामा दर्शक प्रवेश गर्न दिइएको खेलमा घरेलु समर्थकले खेलको वातावरण नै फरक बनाएका थिए ।
April 21, 2025
काठमाडौं (हाम्रो खेलकुद)- अखिल नेपाल फुटबल संघ (एन्फा) ले राष्ट्रिय महिला टोलीका लागि पहिलो पटक प्रो-लाइसेन्स प्रशिक्षक नियुक्त गर्ने भएको छ । एन्फाले सोमवार सूचना प्रकाशित गर्दै प्रो लाइसेन्स प्राप्त प्रशिक्षकको आवेदन खुला गरेको हो। प्रो लाइसेन्ससँगैउमेर समूह वा राष्ट्रिय टोली सम्हालिसकेको अनुभव हुनुपर्ने सर्त राखिएको छ। कम्तिमा दुई वर्षको प्रशिक्षण अनुभव भएको हुनुपर्ने पनि […]
April 21, 2025
काठमाडौं (हाम्रो खेलकुद)- सहिद स्मारक बी डिभिजन लिगमा श्री कुमारी क्लब छैटौं स्थानमा उक्लिएको छ। आज टुसाल युथ क्लबलाई श्री कुमारीले २-१ गोल अन्तरले हरायो। एन्फा कम्प्लेक्समा भएको खेलको खेलको ११ औं मिनेटमा श्री कुमारीले अग्रता बनायो। निशान्त प्रधानले ११ औं मिनेटमा गोल गरे। पहिलो हाफ १-० को नतिजामा सकियो। खेलको ७६ औं मिनेटमा विनोद […]
April 21, 2025
एजेन्सी – फेडेरिको भाल्भेर्देले इन्ज्युरी समयमा गोल गरेपछि एथलेटिक क्लबलाई १-० ले हराउँदै रियल म्याड्रिडले ला लिगा उपाधि होडलाई जोगाइराखेको छ। इन्ज्युरी समयको तेस्रो मिनेटमा भाल्भेर्देले आफ्नो बाँया हाफ-भली मार्फत गोल गर्दै टोलीलाई जित दिलाए ।यो उनको जारी सिजनको छैटौं लिग गोल हो । डिसेम्बर सेभियाविरुद्ध गोल गरेपछि उनले पहिलो पटक गोल गरेका हुन्। रियल […]