रियल मड्रीडले लेगानेस बिरुद्ध ३-० को सहज जित निकाल्दै शिर्षस्थानमा ५ अंकको अग्रता लिएको छ । ला लिगाको खेलमा ज्ञारेथ बेलको दुइ गोलको मद्धतले मड्रीडले ३-० को जित दर्ता गरेको हो ।
अघिल्लो हपता मड्रीडसँगको सम्झौता बढाएका बेलले लेगानेससङ पहिलो हाल्फमा दुइ गोल गर्दै मड्रीडको जित सहज बनाएका थिए । खेलको ३८ औ मिनेटमा गोल गर्दै अग्रता दिलाएका बेलले पहिलो हाल्फ सकिनु केहि अघी घरेलु टोलिको अग्रता दोब्बर गरेका थिए ।
खेलमा प्रतिस्पर्धत्मक सुरुवात गरे पनि कुनै गोल गर्न नसक्दा मड्रीडले दोस्रो हाल्फमा ७७ मिनेटमा अल्भारो मोराटाको गोल बाट तेस्रो गोल गर्दै सहजै ३ अंक बटुल्यो । लेगानेस भने हार पछी ११ खेलमा १० अंकको साथ १७ औ स्थानमा छ । अन्य खेलहरुपछी लेगानेस थप तल झार्ने सम्भावना छ ।
